Isaiah 17 - Zokam International Version

Damascus Langah Thusuak

¹ Damascus tawh kasai thusuak: "En un, Damascus sawtvei khuapi hi nawn lo dinga, a kisia lompi suak ding hi.

² Aroer khuapite kinusia dinga, ganhon giah nadingin kinusia in, tuate kuamah in a phawng kei ding hi.

³ Ephraim kulh muanhuaite mangthang dinga, Damascus a kumpi vangliatnate bei-in Aram a, a baanglaite Israel-te minthanna a bang ding uh hi," Thahatpen TOPA in cikhia hi.

⁴ "Tua ni ciangin Jacob minthanna bei dinga, a pumpi thauna a gawngtaam ding hi.

⁵ An lapa in ankung dinglai a lak khit tawh kibang dinga, Rephaim Kuam sunga ansang khop bangin - a khutin an a la ding hi.

⁶ Tua hinapi, olive kung a kisat ciangin a hiang paipi dawnah olive nih le thum a kihawi bangin a gahpha ansang vui li vui nga a om lai ding hi," TOPA, Israel-te Pasian in cikhia hi.

⁷ Tua ni ciangin mite in amaute a Bawlpa en ding uh a, Israel-te Siangtho Pa lamah a mit uh a hei ding uh hi.

⁸ Amaute in khuta bawlsa biakna-tau lamen loin amau khutmete bawlsa gimnamtui taute le Asherah khuamte a a thusim kei ding uh hi.

⁹ Tua ni ciangin Israel-te hanga kinusia a khuapi muanhuaite uh, a kinusia sephih sawlbawk lak a bang ding hi. A vekin a kilawi khin ding hi.

¹⁰ Na Honpa Pasian na mangngilh khin hi; na kulh muanhuai Suangpi na phawkkha kei hi. Tua ahi ciangin singno a hoih pen suanin gamdang lenggui na suan zongin,

¹¹ na suan ni mahin posak pahin, na suan ni zingsang mah in na paksak pah zongin natna le damsak theih loh a na thuak ni-in bangmah na kaikhawm tuan kei ding hi.

¹² Oh, minam tampite ototna aw - amaute tuipi ging bangin a awngawg uh hi! Oh, mite awng zuahzuah uh a - tuipi lianpi hawk bangin a hawk uh hi!

¹³ Tui kilok hawkte bangin mite a hawk uh zongin amah in a tai ciangin gamlapi ah taimang uh a, mualtunga huihlet ansi leng bangin kihawlkhia a, huihpi mut lopa leeng a bang uh hi.

¹⁴ Nitakin hong lausak uh! Zingsang ma-in amaute mang veh! Hih in eite hong buluhte tanh ei aa hong sutte vankhol ahi hi.