Hosea 4 - Zokam International Version

Israel A Salhna

¹ No Israel-te aw, TOPA kammal za un, bang hang hiam cih leh no gam sunga teng mite langkhat ah TOPA in mawhmatna khat hong tungsak ding hi. "Gam sungah muanhuaina, itna, Pasian theihna a om kei hi.

² Hamsiatna a, zuauna le kithahna, guktakna le angkawmna bek om a; ciangtan nei loin sisan luanna in sisanluanna a nungzuih hi.

³ Hih thu hangin leitang thum b in, a tunga teng khempeuh a maimang hi; gam sunga gamsate, huih lak-a vasate le, tuipi sunga ngasate a si ding uh hi.

⁴ "Ahi hangin kuamah mawhmatna thuaksak loin kuamah in midang khat mawhsak kei hen, ahang in na mite uh siampi khat tungah mawhsakna a tunte tawh kibang hi.

⁵ Sun le zanin na kimuktu uh a, kamsangte no tawh a kimuktu khawm uh hi. Tua hi-a na nu ka susia ding hi -

⁶ keima mite theihna neihlohna hanga kisia ahi hi. "Theihna nial na hi manun ka siampite dingin kong nial hi; Pasian thukham thusim lo na hi manun kei zong na tate uh ka thusim kei ding hi.

⁷ Siampite a punna uh tawh kizui-in kei langah tam a mawhzaw uh hi; amaute c in amau Minthanna pen maimawlna khatpeuh tawh a khek d uh hi.

⁸ Ka mite mawhnate-in kivak uh a, a gitlohnate uh nuam a sa uh hi.

⁹ A tuaci mah ding hi; mite le siampite a kibang ahi hi. Amaute lampite hangin amaute gel dan ka piakhawm dinga, amaute sepsa tawh kizui-in ka thuk kik ding hi.

¹⁰ "Amaute in a nek uh hangin kham zo lo ding uh a; a kizuak uh hangin a pung tuan kei ding uh hi, bang hang hiam cih leh amaute in TOPA taisanin , amau le amau kizuak uh a,

¹¹ ka mite theihtelna a lakhiamang kizuakna zului le zuthak ah a kipiakhia uh hi.

¹² Amaute in sing milim thu dong uh a, ciangkang khatin a dawng hi. Kizuakna kha khat in amaute lam khialsak hi; amau Pasian tungah a muanhuai kei uh hi.

¹³ Amaute in mualliante dawnah biaknate pia uh a, mualneute tung, tehno sing lak, hiang sing le terebinth kungte nuai a liim nopna peuh ah biakna a hal uh hi. Tua ahi ciangin na tanute uh numei kizuak suak uh a, na mote uh angkawm a suak uh hi.

¹⁴ "Na tanute uh kizuak a suah uh ciang, na mote uh angkawm a suah uh ciangin, dan ka thuaksak kei ding hi, bang hang hiam cih leh pasalte mahmah numei kizuakte tawh kithuahin biakbukno a numei kizuakte tawh biakna a pia khawm uh hi - theihtelna a nei lo mite a kisiat ding mah ahi hi.

¹⁵ "Israel aw, ang na kawm ta zongin Judah beek mawh kei hen. "Gilgal ah pai kei in; Beth Aven e ah pai kei in. TOPA nuntakna lo-in kiciam kei in.

¹⁶ Israel-te lungkhauh uh a, bawngla lungkhauh bang uh hi. Tua ahileh TOPA in bang ci-in lonona-a tuunote bangin lono-in vak thei ding hiam?

¹⁷ Ephraim pen milimte tawh kipaikan hi; ama omin omsak lel in!

¹⁸ A dawnte uh a bei ciang nangawnin a kizuak uh zom lai uh hi; a gam-ukte un a maizumhuai nate it uh hi.

¹⁹ Amaute pingpei in zialmang dinga, amau biak piakna in maizumna a tun ding hi.