Amos 9 - Zokam International Version

Israel Kisusia Ding

¹ Biakna-tau gei-a ding Topa ka mu a, amah in: "A bulpi a kilawh theih nadingin khuampi dawn khensuk in. Mi khempeuh lutung tusak in; a si lo sun teng namsau in ka that ding hi. A suakta a taikhia khat beek a om kei ding hi.

² Lei toin hankhuk c thukpi dong a tawh uh hangin, tua tak pan ka khutin ka lakhia ding hi. Vante dongin a kahtoh uh hangin tua lai pan amaute ka kaikhiasuk veve ding hi.

³ Carmel dawn ah amaute a bukuh hangin bengin ka man veve ding hi. Amaute kei hong kihta in tuipi taw ah a buk uh hangin tua lai-ah amaute tu dingin gulpi ka sawl ding hi.

⁴ A galte un amaute sal dingin a kaih uh hangin, tua lai-ah amaute that dingin namsau ka sawl ding hi. Migitna hi lo, gitlohna tawh amaute ka encik gige ding hi."

⁵ Topa, Thahatpen TOPA in leitung a lawn ciangin tuisuak a, a sunga om khempeuh thumin leitung buppi Nile bangin khanga, tua ciangin Egypt gun bangin kiam a -

⁶ vantungte ah a kumpi innte d lamin abul e leitung ah phuta tuipi tui samin lei maitangah a sungpa ama min TOPA ahi hi.

⁷ "No Israel-te aw, kei adingin Cush-te f tawh kibang hi lo na hi uh hiam?" TOPA in cikhia hi. "Keimah in Israel-te Egypt pan, Philistia-te Caphtor g pan le Aram-te Kir panin hong paikhiatpih hi lo ka hi hiam?

⁸ "Thupipen TOPA mit in amawh kumpi-gam en gige hi. Lei maitang panin ka susia ding hi - ahi zongin Jacob innkuan ka susiamang kei ding hi," TOPA in cikhia hi.

⁹ Ahang in, keimah in thu ka pia dinga, an haihna tawh haih bangin minamte khempeuh lakah Israel innkuante ka haih dinga, ahi zongin a tang khat nangawn leitungah a kia kei ding hi.

¹⁰ Ka mite lakah mawh neite, ‘Ei tungah siatna hong tung loin zong i mukha kei ding hi,’ a cite namsau-in a si ding uh hi.

Israel Angei Bangkik

¹¹ "Tua ni ciangin a puksa David puanbuk angei ka bangsak kik ding hi. A kisiatna mun teng ka puah dinga, a sia teng angei bangin a kizang thei kik dingin ka lam ding hi.

¹² Tua pen, amaute in Edom a baanglaite le ka min a lo minam khempeuh a a neih theih nading uh ahi hi," hih nate a sem ding pa TOPA in cikhia hi.

¹³ "A nite tung ta hi," TOPA in cikhia a, "lokhopa in an lapa phadong dinga lengkung suanpa in lenggah sukpa phadong ding hi. Mualliante panin lenggahzu thak taakin mualneute khempeuh panin a luang ding hi.

¹⁴ Saltang ka mi Israel-te amau gamah ka puak kik ding hi; b amaute in a kisusiasa khuapite puah kik ding uh a, tuate ah a teng ding uh hi. Amaute in lenggui suanin tuate zu a dawn ding uh hi; huan bawl ding uh a, amau neihsa singgahte a ne ding uh hi

¹⁵ Amaute ka piaksa leitang panin a kibulkalh ngei nawn lo ding Israel-te amau leitangah ka suan ding hi," TOPA note Pasian in ci hi.