2 Samuel 23 - Zokam International Version

David Kam Nunungte

¹ Hihte in David kam nunungte ahi hi: "Jesse’ tapa David thusuak, Sangpenpa tawisang mipa thusuak, Jacob’ Pasian sathau nilhpa, Israel’ lasapa’ late b:

² "TOPA’ Kha kei tungtawnin pau a; a kammalte ka leii ah a om hi.

³ Israel’ Pasian pau a, Israel’ Suangpi in kei tungah: ‘Mi khat in mite tungah thumaanna tawh a uk ciangin, amah in Pasian kihtakna tawh a uk ciangin

⁴ amah meii kai loh ni zingsang, zing nisuaktung khuavak tawh kibangin, guah zuk khit cianga leipan lopa a selkhiasak tawh kibang hi.

⁵ "Ka innkuan Pasian tawh kizopna man hi lo ahi hiam? Amah in kei tawh tawntung thukhun bawl khin a, a khen kimin kipsak hi lo ahi hiam? Ka hotkhiatna gahsuah loin ka deih khempeuh hong pia loin om ding hiam?

⁶ Ahi hangin migilote ahileh khutin kikhawm lo a kihemkhia lingte tawh kibang hi.

⁷ Lingkung a lawng peuhmah in sik nazat khat ahikeh teipi tonglam zang uh hi; amaute a omna ah kihaltum hi,"

David Mithahatte

⁸ Hihte in David mi thahatte ahi hi: Tahkemon-te c Josheb-Basshebeth d Thumte a ukpa; amah in mi zagiatte langah a teipi liika kido khatin a that e khin hi.

⁹ Ama zom Ahoh-te Dodai’ tapa Eleazar ahi hi. Amah mi thahat thumte lakah khat hi a; Pas Dammim f ah Philistia-te galsim dinga kikhawm amaute in to uh a amah David tawh a omkhawm hi. Tua ciangin Israel nungkik uh a,

¹⁰ ahi hangin amah a dinna munah dingkipin a khut a kham dong le namsau le a khut a kimatcip dongin Philistia-te a satpa ahi hi. Tua ni-in TOPA in gualzawhna lianpi a tungsak hi. Eleazar kiangah galkap honte a kileh kik uh hangin misite van khawm ding bek ahi hi.

¹¹ Ama zomah Harar-te Agee’ tapa Shammah ahi hi. Zawngbe a dimna lopaang khatah Philistia-te a kikaihkhawpna panin Israel galkapte a taikek uh hi.

¹² Ahi hangin lo laizang takah Shammah a pang hi. Amah in nang tentan a Philistia-te sattukin TOPA in gualzawhna lianpi a pia hi.

¹³ Anlak hunin, ukpi sawmthum lak pan thumte Adullam suang-hawma David kiangah paisuk uh a, tua hun laitakin Philistia-te hon khat in Rephaim Kuam ah giahphual a sat uh hi.

¹⁴ Tua hunin kulh sungah David oma, Philistia khuacingte Bethlehem ah a om uh hi.

¹⁵ David in tui duh a, "Bethlehem kongpi gei-a tuikhuk a tui mi khat in hong suah leh ut si’ng maw!" a ci hi.

¹⁶ Tua ciangin mi thahat thumte in Philistia-te galpanna phuletin Bethlehem kongpi gei-a tuikhuk ah tui va tawi uh a David a puak uh hi. Ahi hangin amah’n a dawn nuam kei hi; a dawn tangin TOPA mai-ah a sung hi.

¹⁷ Amah in, "TOPA aw, hih tui ka dawn peuhmah kei ding hi, a nuntakna khama paite sisan hi mawk lo hiam?" a ci hi. Tua hi a David in a dawn kei ding hi. Mi thahat thumte hatzia a hici ahi hi.

¹⁸ Zeruiah’ tapa Joab sanggampa Abishai, thumte g ukpa ahi hi. Amah in mi zathumte a teipi-in do a zo ahi manin mi Thumte zahin a minthang hi.

¹⁹ Mi Thumte sangin kipahtawi zaw hi lo hiam? Amaute lakah a kihelkhak loh hangin amaute ukpa a suak hi.

²⁰ Kabzeel pana Jehoiada’ tapa Benaiah galdo siam mahmah a, a tuampianpipi a sem hi. Amah in Moab-te’ mi hoihpente nih a that hi. Vukkiat ni khatin zong leihawm khatah paisuk a humpinelkai khat a that hi.

²¹ Egypt-te mi thalian mahmah khat a that hi. Egypt-pa in teipi tawi napi Benaiah in khetbuk khat tawi-in a kuan hi. Egypt-pa khut pan a teipi bawhkhiatsaka ama teipi mahin a lehthah hi.

²² Jehoiada’ tapa Benaiah thahatna hici bang hi-a, amah zong mi thahat thumte zah mahin a minthang hi.

²³ Amah sawmthumte khatpeuh sangin kipahtawi zaw napi Thumte lakah a kihel kei hi. Tua hi-a David in amah cingte ukpa in a koih hi.

²⁴ Sawmthum laka kihelte: Joab sanggampa Asahel Bethlehem pan Dodo’ tapa Elhanan,

²⁵ Harod-te Shammah, Harod-te Elika,

²⁶ Palti-te Helez, Tekoa pan Ikkesh’ tapa Ira,

²⁷ Anathoth pan Abiezer, Hushah-te Mebunnai a,

²⁸ Ahoh-te Zalmon, Nethophath-te Maharai,

²⁹ Nethophath-te Baanahi’ tapa Heled b, Benjamin a Gilead pan Ribai’ tapa Ithai,

³⁰ Pirathon-te Benaiah, Gaash kuampite pan Hiddai c,

³¹ Arbath-te Abi-Alban, Barhum-te Azmaveth,

³² Shaalbon-te Eliahba, Jashen’ tapate, Harar-te

³³ Shammah’ tapa d Jonathan, Harar-te Sharar’ tapa e Ahiam,

³⁴ Maacath-te Ahasbai’ tapa Eliphelet, Gilon-te Ahithophel’ tapa Eliam,

³⁵ Carmel-te Hezro, Arb-te Paarai,

³⁶ Zobah pana Hagri f tapa, Nathan’ tapa Igal,

³⁷ Ammon-te Zelek, Zeruiah’ tapa Joab galhiam puapa Beeroth-te Naharai,

³⁸ Ithri-te Ira, Ithri-te Gareb,

³⁹ le Hit-te Uriah A vekin sawmthum le sagih ahi hi.