2 Khangthute 4 - Zokam International Version

Biakinnpi Vanzatte

¹ Amah in a dung tong sawm nih a vai tong sawm nih, a sanna e tong sawm a pha sumngo biakna-tau khat a dawh hi.

² Amah in daal sungin Tuipi bawl a, a bemsak hi; a geivial pan a geivial khat dong tong sawm pha a, tong f nga a sang hi. A gei kimkot tong g sawmthum a pha hi.

³ A geivial nuai-ah bawngtal limte in umcih a - tong h khatah sawm ta a om hi. Bawngtalte gualnih in Tuipi tawh a kisung khawm ahi hi.

⁴ Bawngtal sawm le nih tungah Tuipi kinga-a, thum leilu-lam nga-in, thum nitumna-lam nga-a, thum leitaw-lam nga-in, thum nisuahna-lam a nga hi. Tuate tungah tuipi kinga a, kinungngat dimdiam in a om hi.

⁵ A sahna zapek i khat hi a, hai bangin geivial nei a, unok pak tawh kibang hi. Bath j tulthum a ta hi.

⁶ Tua ciangin amah in kisil nading kuangpi sawm bawl-a, leilu-lam ah nga koiha, leitaw-lam ah nga a koih hi. Tuate sungah meihal biakna vanzatte kisawp sianga, Tuipi ahileh siampite kisilna-a zat ding ahi hi.

⁷ Amah in a kigeelsa bangin kham meivak tunna sawm bawl-a, biakinnpi sung leitaw-lam pangah nga koihin, leilu-lam pangah nga a koih hi.

⁸ Amah in sabuai sawm bawl-a, biakinnpi sung leitaw-lam pangah nga koihin leilu-lam pangah nga a koih hi. Amah in tuithehna kham kuang-uk zakhat zong a bawl hi.

⁹ Amah in siampite inntual le inntual zapi umin inntual kongkhakte bawla, a kongkhakte sumngo a luan hi.

¹⁰ Amah in leitaw-lam pang leitaw nisuahna lam kiu ah Tuipi a koih hi.

¹¹ Amah in beelte, vutluahnate le tuithehna kuang-ukte zong a bawl hi. Tua ciangin Pasian biakinnpi sunga dingin Kumpi Solomon in a bawlsakte Huram in bawl khin ta a:

¹² Khuampi nihte; khuampi dawna a zepna kuang-uk lim nihte; khuampi dawna a zepna len banga kiphan le kuang-uk lim nihte;

¹³ len phan banga kiphan kop nihte adingin a kibawl mangkawlsing lim zalite (khuampite ludawn zepna-in len banga kiphan khatah mangkawlsing gah gualnih ta ahi hi);

¹⁴ tuikuangpite le a tunnate;

¹⁵ Tuipi le a nuai-a a tuna bawngtal sawm le nihte;

¹⁶ beelte, vutluahnate, sathukna sikkeukate le vanzat kisam khempeuh ahi hi. TOPA biakinnpi-a zat ding Kumpi Solomon adinga Huram-Abi in a bawl na khempeuh sumngo nawtngil vive ahi hi.

¹⁷ Jordan zanglei-a om Succoth le Zarethan k kikala beellei ah kumpipa in hihte a sungsak hi.

¹⁸ Solomon bawl hih nate khempeuh tam lua ahi manin sumngote gihna zah kithei zo lo hi.

¹⁹ Solomon in Pasian biakinnpi sunga vanzat khempeuh zong bawl a: kham biakna-tau; Ompihna anlum koihna sabuaite;

²⁰ a kigeelsa bangin biakbuk sungnung sunga meivak ding kham meivakte le a tunnate;

²¹ kham kibawl pak le meivakte le taitehte (tuate kham citak ahi hi);

²² tuithehna kuang-ukte, sikkeu liangsaute le biakna veinate; le kham a kibawl biakinnpi kongkhakte: Mun Siangtho Pen paina inn sungnung kongpite le innpi kongkhak-te ahi hi.