1 Timothy 4 - Zokam International Version

Timothy tungah Lamlahnate

¹ Hun nunung ciangin mi pawlkhat in upna nusia ding uh a, zuau a phuak khate le dawite hilhnate a zui ding uh hi, ci-in Kha in kiteltakin a gen hi.

² Tua bang hilhnate kineihsiam mi zuaute tungtawna hong pai hi-a, amau lungsim kitheihna siksa-a bikton tawh kibang ahi hi.

³ Amaute in mi a kiten ding kham uh a, thumaan thei a, a um mite in, lungdam ko-a, a san dingun Pasian in a piansak an pawlkhat a tan dingun thu a pia uh hi.

⁴ Ahang in, Pasian piansak na khempeuh a hoih hi-a lungdam ko-a, a kisan khit nak leh nial ding khat beek a om kei hi.

⁵ Bang hang hiam cih leh Pasian thu le thungetna tawh siansaksa ahi hi.

⁶ Nang in hih nate, sanggamte kianga na hilhkhiat leh upna le na zuihsa thuhilhna hoih thutakte sunga khangto Christ Jesu nasem hoih khat na hi ding hi.

⁷ A kiphuaktawm pasian-neilote tangthute le pitekte tangthu gente tawh kisawhkha kei inla, tua tangin na pasian-mi nadingin nang le nang kisin in.

⁸ Ahang in, pumpi kisinna in manphatna pawlkhat nei a, ahi hangin pasian-mina ahileh tu huna nuntak nading le hong tung ding nuntakna ah thuciam nei khawm ahi manin na khempeuh ah a manpha hi.

⁹ Hih in a bupa santham thugen muantak khat hi-a,

¹⁰ (hih hangin na semin nakpi-in i hanciam hi,) tua in mite khempeuh a diakdiakin a um mite ading, Honpa, a nungta Pasian sungah lametna i neihna ahi hi.

¹¹ Hih nate thupiakna-in hilh in.

¹² Na khangnona hangin kuamah kisimmawhsak kei in; ahi hangin thugenna, nun takna, itna, upna le sianthona ah thu-umte etteh dingin na om in.

¹³ Kong pai matengin mipite mai-ah Laisiangtho simin, thu hilhin lai hilhin hahkat in.

¹⁴ Upate in na tungah a khut uh a ngak laitak uh a thu genkholhna thupuak tungtawna hong kipia na letsong thudon loin om kei in.

¹⁵ Hih thute ah thanuam in; mi khempeuh in na khantoh zia a muh theih nadingin hihte ah kipumpiak in.

¹⁶ Na nuntakna le na thu-upna limtakin kemcing in. Tuate ah kuhkal lecin nang le na thugen a zate na honkhia ding hi.