1 Khangthute 7 - Zokam International Version

Issachar

¹ Issachar tapate: Tola, Puah, Jashub le Shimron - a vekin li ahi hi.

² Tola tapate: Uzzi, Rephaiah, Jeriel, Jahmai, Ibsam le Samuel - amau innkuan lutangte ahi uh hi. David in a uk hun lai-in Tola suante khangthubu sungah galkap a kiciamteh pasal 22,600 a pha hi.

³ Uzzi tapa: Izrahiah. Izrahiah tapate: Michael, Obadiah, Joel le Isshiah. Amau teng nga a vekun ukpi ahi uh hi.

⁴ Amau innkuan khang ciamtehna tawh kizui-in zi le ta tampi nei uh ahi manin galsim thei ding pasal 36,000 a nei uh hi.

⁵ Issachar bawng’te tawh kisai, amau khangthu ciamtehna sunga kigual a kitanaupihte uh tawh galsim thei pasal a vekpi in 87,000 ahi hi.

Benjamin

⁶ Benjamin tapa thumte: Bela, Beker le Jediael.

⁷ Bela tapate: Ezbon, Uzzi, Uzziel, Jerimoth le Iri, innkuan lutangte hi uh a - a vekun nga ahi hi. Amau khangthu ciamtehna ah galdo thei pasal 22,034 ahi hi.

⁸ Beker tapate: Zemirah, Joash, Eliezer, Elioenai, Omri, Jeremoth, Abijah, Anathoth le Alemeth. Hihte khempeuh Beker tapate ahi hi.

⁹ Amau khangthu ciamtehna ah innkuan lutang le gal sim thei pasal 20,200 ahi hi.

¹⁰ Jediael tapa: Bilhan. Bilhan tapate: Jeush, Benjamin, Ehud, Kenaanah, Zethan, Tarshish le Ahishahar.

¹¹ Hih Jediael tapate khempeuh innkuan lutang ahi uh hi. Galsung a kuan thei ding pasal cingteng 17,200 ahi hi.

¹² Shuppim-te le Huppim-te pen Iri suante hi uh a, Hushim-te Aher suan ahi uh hi.

Naphtali

¹³ Naphtali tapate: Jahziel, Guni, Jezer le Shillem b - Bilhah tawh a tapate ahi hi.

Manasseh

¹⁴ Manasseh suante: Asriel in, ama Aram zino pana ama suan ahi hi. Tuanu in Gileah tapa tawh amah a neih ahi hi.

¹⁵ Makir in Huppin-te le Shuppim-te lak panin zi khat a la hi. A sanggamnu min Maacah ahi hi. Ama suan dang khat min Zelophehad hi-a amah in tanu bek a nei hi.

¹⁶ Makir zi Maacah in tapa khat nei-a a min Peresh a phuak hi. A sanggampa min Sheresh hi-a a tapate Ulam le Rakem ahi uh hi.

¹⁷ Ulam tapa: Bedan. Hihte in Manasseh tapa, Makir tapa Gilead tapate ahi hi.

¹⁸ Ama sanggamnu Hammoleketh in Ishhod, Abiezer le Mahlah a nei hi.

¹⁹ Shemida tapate: Ahian, Shechem, Likhi le Aniam ahi hi.

Ephraim

²⁰ Ephraim suante: Shuthelah, a tapa Bered, a tapa Tahath, a tapa Eleadah, a tapa Tahath,

²¹ a tapa Zabad le Shuthelah ahi hi. Ezer le Elead, Gath ah a gante uh matsak dinga a kuansuk un a gammi tualsuakte in na that uh hi.

²² Amau adingin a pa uh Ephraim ni tampi sung thum a, amah hehnem dingin a tanaute a pai uh hi.

²³ Tua ciangin a zi tawh lumkhawm kik a, tuanu gai-in tapa khat a nei hi. Amah in a innkuan sungah kamsiatna tung ahi manin a min Beriah a a phuak hi.

²⁴ Ama tanu Sheerah hi a Beth Horon Tungnung le a Nuainung tawh Uzzen Sheerah lamkhawm hi.

²⁵ Ama tapa Rephah hi-a a tapa b Resheph, a tapa Telah, a tapa Tahan, a tapa

²⁶ Ladan, a tapa Ammihud, a tapa Elishama, a tapa

²⁷ Nun, a tapa Joshua ahi hi.

²⁸ Amaute gam le a tenna uh Bethel le a kima khuaneute, nisuahna-lam ah Naaran, nitumna lamah Gezer le a khuaneute le Ayyah le a khuaneute-a paina lampi dunga Shechem le a khuaneute ahi hi.

²⁹ Manasseh tawh gamgi dungah Beth Shan, Taanach, Megiddo le Dor, amau khuaneute tawh ahi hi. Hih khuapite ah Israel tapa Joseph suante a teng uh hi.

Asher

³⁰ Asher tapate: Imnah, Ishvah, Ishvi le Beriah. Amaute sanggamnu Serah.

³¹ Beriah tapate: Heber le Birzaith pa Malkiel.

³² Herber in Japhlet, Shomer le Hotham le amaute sanggamnu Shua-te pa ahi hi.

³³ Japhlet tapate: Pasach, Bimhal le Ashvath. Hihte Japhlet tapate ahi hi.

³⁴ Shomer tapate: Ahi, Rohgah, c Hubbah le Aram.

³⁵ A sanggampa Helem tapate: Zophah, Imna, Shelesh le Amal.

³⁶ Zophah tapate: Suah, Harnepher, Shual, Beri, Imrah,

³⁷ Bezer, Hod, Shamma, Shilshah, Ithran d le Beera.

³⁸ Jether tapate: Jephuneh, Pispah le Ara.

³⁹ Ulla tapate: Arah, Hanniel le Rizia.

⁴⁰ Hihte khempeuh Asher suante hi a - innkuan lutang, mi teltuam, galhang le a kikhaituam makaite ahi uh hi. Amaute khangthu bu sungah a kigual galsim thei pasal 26,000 ahi hi.