1 Khangthute 24 - Zokam International Version

Siampite Khenna

¹ Hihte in Aaron tapate kisehkhenna ahi hi: Aaron tapate, Nadab, Abihu, Eleazer le Ithamar.

² Ahi hangin a pa uh a sih ma-in Nadab le Abihu si-a tapa a nei kei uh hi; tua ciangin Eleazer le Ithamar in siampi na a sem uh hi. Eleazar suan Zadok le Ithamar suan

³ Ahimelech huhna tawh David in amaute a sehin khena, amaute sehna bangin biakna na a sem uh hi.

⁴ Ithamar suante lak sangin Eleazer suante lakah makai tam kimu zaw a, amaute phazah tawh kizui-in kikhenin: Eleazer suante panin innkuan lutang sawm le guk, Ithamar suante panin innkuan lutang giat ahi hi.

⁵ Eleazar le Ithamar suante lakah mun siangtho ulian le Pasian ulian om tuak ahi manin amaute in deihsak tuam nei loin ai dokna tawh amaute a khen uh hi.

⁶ Levi-te khat Nethanel tapa lai theipa Shemaiah in kumpipa le uliante muhin amaute min ciamteh hi: siampi Zadok, Abiathar tapa Ahimelech le siampite le Levi-te innkuante lutangte muhin- Eleazar innkuan panin khat la-a tuateh Ithamar innkuan panin khat a kila ahi uh hi.

⁷ Ai masapen Jehoiarib tung tu a, a nihna Jedaiah,

⁸ a thumna Harim, a lina Seorim,

⁹ a ngana Malkijah, a gukna Mijamin,

¹⁰ a sagihna Hakkoz, a giatna Abijah,

¹¹ a kuana Jeshua, a sawmna Shecaniah,

¹² a sawm le khatna Eliashib, a sawm le nihna Jakim,

¹³ a sawm le thumna Huppah, a sawm le lina Jeshebeab,

¹⁴ a sawm le ngana Bilgah, a sawm le gukna Immer,

¹⁵ a sawm le sagihna Hezir, a sawm le giatna Happizzez,

¹⁶ a sawm le kuana Pethahiah, a sawm nihna Jehezkel,

¹⁷ a sawmnih khatna Jakin, a sawmnih nihna Gamul,

¹⁸ a sawmnih thumna Delaiah, le a sawmnih lina Maaziah tung a tu hi.

¹⁹ TOPA Israel Pasian in amaute pupi Aaron tunga a thupiaksa, TOPA biakinnpi sungah amaute a lut uh ciangin a hunhuna amaute nasepzia ding kisehna ngeinate hih ahi hi.

A Omlai Levi-te

²⁰ Levi suan a omlaite aitang in: Amram tapate pan: Shubael; Shubael tapate pan: Jehdeiah.

²¹ Rehabiah aitangin, ama tapate pan: Isshiah a khatna ahi hi.

²² Izhar tapate panin: Shelomoth; Shelomoth tapate panin: Jahath.

²³ Hebron tapate: Jeriah a masa, a Amariah a nihna, Jahaziel a thumna, le Jekameam a lina ahi hi.

²⁴ Uzziel tapa: Micah; Micah tapate pan: Shamir.

²⁵ Micah sanggampa Isshiah; Isshiah tapate panin: Zehariah.

²⁶ Merai tapate: Mahli le Mushi. Jaaziah tapa Beno.

²⁷ Merari tapate: Jaaziah pan: Beno, Shoham, Zaccur le Ibri.

²⁸ Mahli pan: Tapa nei lopa Eleazar.

²⁹ Kish pan: Kish tapa; Jerahmeel.

³⁰ Mushi tapate: Mahli, Eder le Jerimoth. Hihte a innkuan tawh kizui-in Levi-te ahi uh hi.

³¹ Amaute in zong Aaron suan a sanggamte uh hih bang tektekin Kumpi David le Zadok, Ahimelech le siampite le Levi-te innkuan lutangte omin ai a lawn uh hi. Innkuante sungah sanggam pasal upapen le a nautum pen a kibangin a hih uh hi.