Piancilna 10 - Zo Bible

Noah Panin Minamte Pieng

¹ Tam teng pen Noah’ tapate ahi Shem, Ham, le Japheth-te’ suonlehlahte ahi hi; tuizin a tun zaw ciengin amate in tapate a nei uhi.

² Japheth’ suonlehlahte: Gomer, Magog, Madai, Javan, Tubal, Meshech, le Tiras ahi hi.

³ Gomer’ suonlehlahte: Ashkenaz, Riphath, le Togarmah ahi hi.

⁴ Javan’ suonlehlahte: Elishah, Tarshish, Kittim, le Rodanim ahi hi.

⁵ Tam teng panin tuipi gei-a teng mite a kizel uhi. Tam teng pen Japheth’ suonlehlahte ahi vua, amau’ gam sungah amau’ kamham ciet zangin, a innkuon kuonun amau’ ci le namte lahah a teng uhi.

⁶ Ham’ suonlehlahte: Cush, Egypt, Put, le Canaan ahi hi.

⁷ Cush’ suonlehlahte: Seba, Havilah, Sabtah, Raamah, le Sabteca ahi hi. Raamah’ suonlehlahte: Sheba le Dedan ahi hi.

⁸ Cush pen Nimrod’ pa hi a, leitungah a thahat galhang masa pen ahi hi.

⁹ Topa mai-ah ama pen mi thahat sabengpa khat ahi hi; tua ahi ziehin ama pen, “ Topa mai-ah Nimrod bangin mi thahat sabeng pa,” na kici hi.

¹⁰ A kumpi gam kipatna Babel, Erech, le Accad ahi a, tam teng zosie Shinar gam sungah a om hi.

¹¹ Tua gam panin Assyria gam sungah pei-in Nineveh, Rehoboth-ir, Calah,

¹² Nineveh le Calah kikalah Resen khuopite a sat hi; Calah pen khuopi lien ahi hi.

¹³ Egypt pen Lud-te, Anam-te, Lehab-te, Naphtuh-te,

¹⁴ Pathru-te, Casluh mite le Caphtor-te’ pienna pupi hi a, tuate panin Philistia-te pieng hi.

¹⁵ Canaan pen a ta masa Sidon le Heth’ pa ahi a,

¹⁶ Jebus-te, Amor-te, Girgash-te,

¹⁷ Hiv-te, Arki-te, Sin-te,

¹⁸ Arvad-te, Zemari-te le Hamath-te’ pienna pupi ahi a, tam teng nua-ah Canaan-te a kithezah uhi.

¹⁹ Canaan-te’ gam in Sidon panin Gerar lam muhin Gaza cieng dong ban a, Sodom lam panin Gomorrah, Admah, Zeboiim, le Lasha cieng dong ban hi.

²⁰ Tam teng pen amau’ innkuon, amau’ kamham, amau’ leitang le amau’ minamin Ham’ suonlehlahte ahi uhi.

²¹ Eber mi zosie pienna pupi, Japheth’ upa, Shem sung panin zong tate a pieng hi.

²² Shem’ suonlehlahte: Elam, Asshur, Arpachshad, Lud, le Aram ahi hi.

²³ Aram’ suonlehlahte: Uz, Hul, Gether, le Mash ahi hi.

²⁴ Arpachshad in tapa Shelah nei hi; Shelah in Eber tapa khat ma nei hi.

²⁵ Eber in tapa ni nei a, a masa pen Peleg kici-a, ama hun sungin a gam kiphalsuo ahi ziehin a naupa’ min pen Joktan ahisah hi.

²⁶ Joktan pen Almodad, Sheleph, Hazarmaveth, Jerah,

²⁷ Hadoram, Uzal, Diklah,

²⁸ Obal, Abimael, Sheba,

²⁹ Ophir, Havilah, le Jobab-te’ pienna pa ahi hi. Tam teng zosie pen Joktan’ suonlehlahte ahi hi.

³⁰ Amau’ tenna gam pen Mesha panin Sephar lam muhin nisuona lam muoltung gam cieng dong ahi hi.

³¹ Tam teng pen amau’ innkuon, amau’ kamham, amau’ leitang le amau’ minamin Ham’ suonlehlahte ahi uhi.

³² Tam teng pen a khangsimna uh zui-a, a gam sung vuah Noah tapate’ innkuon ahi hi. Tuizin tun zaw ciengin tam teng tung panin leitungah minamte a kithezah hi.