Phatna-late 93 - Zo Bible

Pasien’ Uhna a Thupina

¹ Topa pen kumpi hi a, thupina puon ama kisilsah hi; Topa kumpi puon kisilsah a, thahatna tawh a kawng kigah hi. Ama in leitung phutdet hi; tua khu a kilawh ngai nawn sih ding hi.

² Tanglai-a kipanin na kumpi topha kiphut hi; nang kumtawn-a om na hi hi.

³ Topa aw, gunte hing khangin, tua gunte in a aw uh a sangsah uhi; gunte a hawh vapuoh uhi.

⁴ Tuipi liente hawh sanga a hatzaw, tuipihuolte sanga a hatzaw, a sangna muna om a thupi Topa khu nang na hi hi!

⁵ Na thupiehte man mama hi; Topa aw, siengthona pen a tawntungin na inn tawh a kilawm ahi hi.