Phatna-late 6 - Zo Bible

A Siehuoi Natna pana Damkia nading Thungetna

La makaipa kunga khausai tumging tawh Sheminith banga sah ding David’ laphuo.

¹ Topa aw, na lungthah ciengin ei phawhsie sinlen, na thangpai ciengin zong thu ei hil sin.

² Topa aw, gimin ka tha nem ziehin ei hepi in; Topa aw, zau-in ka gu ka tangte a kilin ziehin kei ei damsah in.

³ Ka hlagau zong zau-in genthei mama hi. Topa aw, bang tanvei sawt ding na hei?

⁴ Topa aw hing kihei inlen, ka hinna ei hun in. Na itna kip ziehin keima ei hunkhie in.

⁵ Bangzieh ahei cile sina sungah nang ang kiphaw nading om lo hi. Misikhuo-ah koi in nang ang phat thei ding ahei?

⁶ Ka tautauna-in ka gim a, zan sielin ka hlitui in ka lupna a hlummang hi. Ka kaakaa na lamin ka lupna a tehlop dildel hi.

⁷ Ka dana ziehin ka mit miel a, ka gal zosiete ei bawlin ka mit a thazawm hi.

⁸ Sietna a bawl mi zosie ka kung panin kihemkhie un, azieh pen Topa in ka kaana aw za zo hi.

⁹ Topa in ka thumna ei za zo hi; Topa in ka thungetna ei sang zo hi.

¹⁰ Ka galte zosie zau-in a maizum ding uhi; amate a kilekia ding vua, thakhatin maizumna a thuoh ding uhi.