Biblia Todo Logo
Bìoball air-loidhne

- Sanasan -

Phatna-late 17 - Zo Bible


A Bawlsiete pan Suotahna ding Thungetna
David’ laphuo.

1 Topa aw thutang kang ngetna ei za inlen, ka kikona ngai in; a zuou lo ka nephu tawh kang thungetna na bil na daw in.

2 Na kung panin ka dihtanna hing peisah in; na mit in thuman musah in.

3 Ka lungtang sittel inlen, zanin ka kungah hing haw-in, ei ze-et lacin ka sungah gitlona na mu sih ding hi; ka kam in zong bangma a genkhiel sih hi.

4 Midangte’ gamtatna tawh kisai-in ahile, na nephu pana kammal ziehin mi tatsiete’ lampite ka pelh zo hi.

5 Na lampite-ah kip tahin ka kalsuon hi; ka keng a kitawnkhaw sih hi.

6 Pasien aw, nangma kang hlan hi, azieh pen nang in nei dawng ding hi; na bil ei ngat inlen, ka thugente ei za in.

7 A galte uh kung panin na zietlam khutah kibuhna a suite hundam pa aw, lamdang tahin na itna kip hing lah in.

8 Na mitnauta bangin kei ei kem in; na hla hlim nei-ah ei phuol inlen,

9 ei bawlsie migilote le ei imtawm a giinhuoi ka galte kung panin keima ei phuol in.

10 Amau’ lungtang in hepina a nei sih uhi; a kam utawh amate a kiphatsah ham uhi.

11 Amate in ei sulzui uhi; tu-in amate in ei kui-im uhi; amate in tuol den nadingin mittuhna-in ei nei uhi.

12 Amate ahile a elmal nuom humpi tawh a kibang vua, humpi khanglai sabuh tawh a kibang uhi.

13 Topa aw, hing tho in, amate tawh kimaituo inlen thalpai in! Hinanle na namsau tawh migilote kung panin ka hinna ei hunkhie in,

14 Topa aw, mihingte lah panin- na khut tawh- tam leitunga a hinkhuo vuah tanh a nei mite kung panin ei hunkhie in. Amate dinga na kholpieh nate tawh a gilpi uh kidim taheh. A tate un khamval nei ta uheh; amate in a nausente vua dingin kimkhat nuasie uheh.

15 Kei ka hi leh dihna tawh na maitang ka en ding hi; ka khahlaw ciengin nang tawh ka kisutna mu-in ka lung a kim ding hi.

Zo Bible © Bible Society of Myanmar, 2018.

Bible Society of Myanmar
Lean sinn:



Sanasan