Phatna-late 150 - Zo Bible

Tepi Om Lo Pasien’ Lietna Zieha Phatna

¹ Topa phat un! Ama’ mun siengtho sungah Pasien phat un; ama’ vanglietna mun vantungah ama phat un!

² A vanglien ama’ sepnate ziehin ama phat un; tepi om lo a lietna tawh kituohin ama phat un!

³ Pengkul aw tawh ama phat unlen, theile le harp lasahna tawh ama phat un.

⁴ Tawm le lamna tawh ama phat un; khausai lasahna le theile tawh ama phat un!

⁵ Daltuote tawh ama phat un; a gin ngaih daltuote tawh ama phat un!

⁶ A naa thei zosie in Topa phat heh! Topa phat un!