Phatna-late 15 - Zo Bible

Pasien’ Mun Siengtho Sungah Koite Teng ding

David’ laphuo.

¹ Topa aw, na puonbuh sungah koi om thei ding ahei? Na muol siengtho tungah koi teng thei ding ahei?

² Gen baang loin kalsuon a, thuman tawh gamta-in, a lungsim sung vuah thuman a gen mite;

³ a leii utawh mi a daisah lo mite, a lawm a guol tungah sietna a bawl lo mite, a vengte a mawsah lo mite;

⁴ a mit in migilote simmaw-in, hinanle Topa a zatah mite; amau’ nat nading nangawnah a ciem pel lo mite;

⁵ summet nga nadinga mi sum a palahsah lote, mawnei lote langkhatah guhgol a ne lote a teng ding uhi. Tam banga gamtate ahile a kilawh ngai sih ding uhi.