Phatna-late 128 - Zo Bible

A Lungdam Mi Thuman Innkuon

Katona La.

¹ Topa zatahin ama’ lampite a zui mi zosie thupha nga ahi uhi.

² Nangma in na khuta nasep gimna ga na ne ding hi; nang na lungdam ding a, tuaci’n nuomsa-in na daupei ding hi.

³ Na zinu pen na inn sungah a bawhpha lenggui bang ding hi; na tate pen na sabuoi kimvela olive singno dawng ngihngehte a bang ding uhi.

⁴ Topa a zatah mipa tua bangin thupha kipie ding hi.

⁵ Topa in Zion panin nang thupha hing pie taheh. Na nuntah sung tungtawnin Jerusalem’ nopsahna mu ta in.

⁶ Na tusawnte mu inlen, Israel tungah lemna om taheh!