Phatna-late 124 - Zo Bible

Israel-te’ Suotahna Zieha Lungdamkona

David’ phuo Katona La.

¹ Eite lamah Topa ang pang lo hi leh, Israel-te in ci ta uheh.

² I galte in ei do ciengin eite lamah Topa ang pang lo hi leh,

³ eite lamah a lungthahna uh a kikuontaw ciengin, amate in eite a hingin ei nawmval zo ta ding uhi;

⁴ tua ciengin tuikhang in eite ei taimang ta ding a, tuihuol in zong eite ei hlummang ta ding hi;

⁵ tua ciengin eite tungah tuipi husiepi a luong den ding hi.

⁶ Amau’ ha tawh eite ei petzansah lo Topa in thupha nga taheh.

⁷ Thangsiete’ thang pana a suohta vasa bangin, thangmung kikuoitanin eite i suohta zo ta hi.

⁸ Van le lei a bawl Topa’ min sungah eite huna a om hi.