Phatna-late 122 - Zo Bible

Phatna La le Jerusalem ading Thungetna

David’ phuo Katona La.

¹ Amate in keima kungah, “Topa’ inn-ah pei vai!” ei ci uh ciengin ka kipah hi.

² Jerusalem aw, na tunkotte sungah ka keng utawh ka ding uhi.

³ Khuopi khat a kilam Jerusalem khu dettah a kilam ahi hi.

⁴ Israel ading thukip a omsa bangin Topa’ min tawh lungdamna ko dingin tua sungah Topa’ minamte a peito uhi.

⁵ Bangzieh ahei cile thukhenna tophate, David innkuon’ tophate khum munah kikoi hi.

⁶ Jerusalem kilem nading thungen un: “Nangma ang it amate a dau uh pei taheh.

⁷ Na kulpite sungah kilemna om hinlen, na tausangte sungah zong bihna om taheh,” ci-in ngen un.

⁸ Ka sanggamte le ka guolte vang tawh, keima in, “Nangma sungah kilemna om taheh,” ka ci ding hi.

⁹ Topa i Pasien uh’ inn ka khuolna-in nangma’ hoi nading ka sui ding hi.