Phatna-late 11 - Zo Bible

Pasien Muonna La

La makaipa ading: David phuo.

¹ Keima in Topa ka beel hi; bangci bangin keima kungah, “Va bangin muol tungah tai in;

² bangzieh ahei cile en in, miel lahah migilote in lungsim thumante kap dingin a thalkhau sung vuah thaltang a guong vua, a thal uh a kuoi uhi.

³ A bulpite kisie po leh, mi thumante in bang ei law zo ding ahei?” na ci hi.

⁴ A biehinn siengtho sungah Topa om a, Topa’ topha vantungah a om hi. Ama in mihingte encien a, a mit in amate sittel hi.

⁵ Topa in thuman mite le migilote zelah a, a kheltat nuom mite ama’ hlagau in muda hi.

⁶ Ama in migilote tungah mei-am le kaat zusah ding a, amau’ nga ding hai pen ahile khuopi huisa pialpual hi ding hi.

⁷ Bangzieh ahei cile Topa a thuman hi; ama in a dih gamtatnate dei hi; thuman mite in ama’ mai a en ding uhi.