Nehemiah 12 - Zo Bible

Siempute le Levi-te Min Sazien

¹ Shealtiel’ tapa Zerubbabel le Jeshua tawh a peito siempute le Levi-te tam teng ahi hi: Seraiah, Jeremiah, Ezra,

² Amariah, Malluch, Hattush,

³ Shecaniah, Rehum, Meremoth,

⁴ Iddo, Ginnethoi, Abijah,

⁵ Mijamin, Maadiah, Bilgah,

⁶ Shemaiah, Joiarib, Jedaiah,

⁷ Sallu, Amok, Hilkiah, Jedaiah-te ahi uhi. Tam teng pen Jeshua khan sunga siempute le a kithuopite lahah a lamkaite ahi uhi.

⁸ Levi-te: Jeshua, Binnui, Kadmiel, Sherebiah, Judah, le Mattaniah ahi a, a kithuopite tawh lungdamkona la makaite ahi uhi.

⁹ Biehpiehna sungah amate tawh Bakbukiah, Unno le a kithuopite kigalsai-in a ding uhi.

¹⁰ Jeshua pen Joiakim’ pa, Joiakim pen Eliashib’ pa, Eliashib pen Joiada’ pa,

¹¹ Joiada pen Jonathan’ pa, Jonathan pen Jaddua’ pa ahi hi.

¹² Joiakim hun sunga pupa innkuon lutang ahi siempute: Seraiah suon panin Meraiah, Jeremiah suon panin Hananiah;

¹³ Ezra suon panin Meshullam; Amariah suon panin Jehohanan;

¹⁴ Malluchi suon panin Jonathan, Shebaniah suon panin Joseph;

¹⁵ Harim suon panin Adna; Meraioth suon panin Helkai,

¹⁶ Iddo suon panin Zechariah, Ginnethon suon panin Meshullam;

¹⁷ Abijah suon panin Zichri, Miniamin suonte, Moadiah suon panin Piltai;

¹⁸ Bilgah suon panin Shammua; Shemaiah suon panin Jehonathan,

¹⁹ Joiarib suon panin Mattenai; Jedaiah suon panin Uzzi;

²⁰ Sallai suon panin Kallai;

²¹ Amok suon panin Eber; Hilkiah suon panin Hashabiah; Jedaiah suon panin Nethanel ahi uhi.

²² Eliashib, Joiada, Johanan, le Jaddua-te’ khan sungin Levi-te pen pupa innkuon lutangin na kiciemte hi; Persia-te Darius’ uh hun cieng dongin zong siempute a na hi uhi.

²³ Pupa innkuonte’ lutang Levi-te pen Eliashib’ tapa Johanan hun dongin Khang Tangthu Laibu sungah kiciemte hi.

²⁴ Levi makaite: Hashabiah, Sherebiah, le Kadmiel’ tapa Jeshua-te le a kithuopite tawh ahi vua, Pasien mi David’ thupiehna tawh kizui-in a kidawnga phatna la sa ding le lungdamko dingin a pawl pawlin a kikhel uhi.

²⁵ Mattaniah, Bakbukiah, Obadiah, Meshullam, Talmon, Akkub-te pen vankoina tunkotte a cing tunkot cingte ahi uhi.

²⁶ Tam teng pen Jozadak’ tapa Jeshua, a tapa Joiakim hun sung le gam uhpa Nehemiah, siempu pa le laithei pa Ezra hun sunga nasemte ahi uhi.

Khuopi Kulpi Apna

²⁷ Jerusalem kulpi apna-ah daltuote, harp, le lyre-te tawh lungdamko-in la a sa vua, lungdam kipahna tawh apna a bawl dingin Jerusalem ah Levi-te a peipi thei nadingun a opna uh muncin tengah amate a sui uhi.

²⁸ Jerusalem kim le Netophah-te’ khuoneute panin lasa honpite a kikhawm uhi;

²⁹ Beth-gilgal pan le Geba gam le Azmaveth gam panin zong a kikhawm uhi; azieh pen lasate in Jerusalem kimvelah amate dingin khuoneute a lam uhi.

³⁰ Tuale siempute le Levi-te kisiensuo-in amate in mite, tunkotte le kulpite a siensuo uhi.

³¹ Tua ciengin keima in kulpi tungah Judah makaite ka zawpi a, lampei kawmin phatna la sa dingin mi honpi khen ni-in ka se hi. Honkhat pen ziet lam manaw-in Buathah Tunkot kulzangah a pei uhi;

³² tuale amate nua-ah Hoshaiah le Judah uliente alang,

³³ Azariah, Ezra, Meshullam,

³⁴ Judah, Benjamin, Shemaiah, Jeremiah,

³⁵ le pengkulte a tawi a khangdawng siempu pawlkhat: Asaph, a tapa Zaccur, a tapa Micaiah, a tapa Mattaniah, a tapa Shemaih, a tapa Jonathan, a tapa Zechariah;

³⁶ ama’ tanau Shemaiah, Azarel, Milalai, Gilalai, Maai, Nethanel, Judah, le Hanani-te, Pasien’ mizah ahi David’ tumthei lasahnate tawh zui-in, amau’ mai-ah laithei pa Ezra a pei hi.

³⁷ Amate masang Tuinah Tunkot panin kulpi katona David’ khuopi kalei-ah a peito vua, David’ innpi tunglam nisuona lam Tui Tunkot lam zuonin a pei uhi.

³⁸ Vei lamah lungdamko adang pawlte a pei vua, keima in mipi pawlkhat tawh kul tungah amate ka zui hi. Meikhuh Tausang panin Kulpi Tanzau-ah

³⁹ khum panin Ephraim Tunkot, tua ciengin Tunkot Lui, tua ciengin Nga Tunkot, tua ciengin Hananel Tausang, tua ciengin Zakhat Tausang, tua ciengin Tuu Tunkot-ah a pei uhi; tuale Thong Tunkot-ah amate a khawl uhi.

⁴⁰ Tuaci’n Pasien’ biehinn sungah lungdamko la pawl nite le uliente alang tawh ka ding a,

⁴¹ siempu Eliakim, Maaseiah, Miniamin, Mikaiah, Elioenai, Zechariah, le Hananiah-te in a pengkul uh a tawi uhi;

⁴² Tuale Maaseiah, Shemaiah, Eleazar, Uzzi, Jehohanan, Malchijah, Elam, Ezer-te zong a om uhi. Lasate in Jezrahiah makai-in la a sa uhi.

⁴³ Nahpi taha a lungdam dingin Pasien in amate a bawl ziehin amate in zong khum ni-in biehpiehna lienpi bawlin a lungdam vua, numei le naupangte zong a lungdam uhi. A gamlapi panin Jerusalem’ guolnopna kiza hi.

Biehinnpi Mawpuohnate

⁴⁴ Khum ni-in thukham sunga a om bangin siempute le Levi-te tanh dinga khuopite neisa lote pan kaikhop dinga a kipie nate, anpalte, le sawm-a-khatte kikholna ahi inndeite tunga vaihawm ding mi kise hi; azieh pen na sem siempute le Levi-te tungah Judah a lungdam hi.

⁴⁵ David le a tapa Solomon’ thupiehna tawh kizui-in lasate le tunkot cingte ma bangin amate in a Pasien uh’ nasepna le siensuo nasepnate a sem uhi.

⁴⁶ Bangzieh ahei cile hun sawtveipi lai David le Asaph-te hun sungin lasate ading, Pasien tunga lungdamkona le phatna lasate adingin makai khat a om hi.

⁴⁷ Zerubbabel le Nehemiah hun lai-in Israel mi zosie in lasate le tunkot cingte adingin a nisim tanh uh a pie uhi. Amate in Levi-te ading a tuomkoi uhi. Levi-te in Aaron’ suonte adingin a tuomkoi sawn uhi.