Nehemiah 10 - Zo Bible

¹ Tua lai tunga suoikaite’ min pen tam teng ahi uhi; Hilkiah’ tapa gam uhpa Nehemiah le Zedekiah,

² Seraiah, Azariah, Jeremiah,

³ Pashhur, Amariah, Malchijah,

⁴ Hattush, Shebaniah, Malluch,

⁵ Harim, Meremoth, Obadiah,

⁶ Daniel, Ginnethon, Baruch,

⁷ Meshallum, Abijah, Mijamin,

⁸ Maaziah, Bilgal, le Shemaiah-te; tam teng pen siempute ahi uhi.

⁹ Tuale Levi-te: Azaniah’ tapa Jeshua, Henadad’ tate Binui le Kadmiel;

¹⁰ a kithuopite Shebaniah, Hodiah, Kelita, Pelaiah, Hanan,

¹¹ Mica, Rehob, Hashabiah,

¹² Zaccur, Sherebiah, Shebaniah,

¹³ Hodiah, Bani, le Baninu ahi uhi.

¹⁴ Mipi makaite: Parosh, Pahath-moab, Elam, Zatthu, Bani,

¹⁵ Bunni, Azgad, Bebai,

¹⁶ Adonijah, Bigvai, Adin,

¹⁷ Ater, Hezekiah, Azzur,

¹⁸ Hodiah, Hashum, Bezai,

¹⁹ Hariph, Anathoth, Nebai,

²⁰ Magpiash, Meshullam, Hezir,

²¹ Meshezabel, Zadok, Jaddua,

²² Pelatiah, Hanan, Anaiah,

²³ Hoshea, Hananiah, Hasshub,

²⁴ Halohesh, Pilha, Shobek,

²⁵ Rehum, Hashabnah, Maaseiah

²⁶ Ahiah, Hanan, Anan,

²⁷ Malluch, Harim, Baanah-te ahi uhi.

Thuciemna Tomkim

²⁸ A om lai mite, siempute, Levi-te, tunkot cingte, lasate, biehinn tuonvaite, Pasien thukham zui dinga tua gam mite tawh a kikhenkhie mi zosie’ a zite, a tate, a tanute, pilna le theitelna a nei zosie in,

²⁹ a sanggamte zopin a uliente a zui vua, Pasien’ nasem Moses in a pieh Pasien’ thukham zui-in, eite’ Topa ahi Topa thupiehnate zosie, le a ngainate le a thukhamte a zui nadingun kiciemna a bawl uhi.

³⁰ Gamdang mite kungah ka tanute ka mo hlah sih ding vua, ka tapate’ zi dingin zong amau’ tanute ka la sih ding uhi.

³¹ Tua gam mite in Sabbath ni-in van hile, an hile zua dinga ang tawi uleh, Sabbath ni le ni siengtho ni khat popo-in amate tung panin ka lei sih ding uhi; tuale kote in a kum sagina-ah lo bawl loin, leibate zong ka pau nget sih ding uhi.

³² I Pasien uh’ biehinn sunga nasep nadingin shekel khat’ sethum-suo-sekhat pieh ding ka mawpuoh uh ahi hi, ci-in ka kiciem uhi:

³³ Tua khu a kiguol anlumte, manmana kipie an tawh biehnate, manman a kipie meihal biehnate, sabbath-te, hladet nite, a kisesa pawite, a siengtho silpiehte, le Israel-te thoidam nading, mawna zieha biehnate le i Pasien uh’ inn sunga nasep nading ahi hi.

³⁴ Thukham laibu sungah a kigiel ma bangin a kise hunin a kumkumin Topa i Pasien uh’ maitam tunga taw dingin a pupa uh’ innkuon zui-in Pasien’ biehinn sungah sing silpieh zong ka tut nadingun, siempute, Levi-te, le mipite in ai ka san uhi.

³⁵ Ka leitang pan vua a pieng anpalte, singkung zosie uh panin ga masate, a kumkumin Topa’ biehinn sunga tawi dingin ka kiciem uhi;

³⁶ thukham laibu sungah a kigiel ma bangin a suoh masa tapate le a suoh masa gantate zong Pasien’ biehinn sunga a nasem siempute kunga peipi ding,

³⁷ le Pasien’ biehinn dan sunga a om siempute kungah annel kilommeh masa pente, silpiehte, singga zosie, sathau le lenggazu-te peipi ding, le khuoneute zosie-ah sesawm-suo- sekhat a khonte pen Levi-te ahi ziehin lo-a a pieng se sawm-suo-sekhatte zong Levi-te tunga puoh dingin ka vaihawm uhi.

³⁸ Tuale Levi-te in se sawm-suo-sekhat a san ciengun, Levi-te tawh Aaron’ suon siempute a omton ding uhi; tuale Levi-te in se sawm-suo-sekhat sung panin se sawm-suo-sekhat ma khensawnin Pasien’ biehinnpi sung vankholna tapkuong sungah a peipi ding uhi.

³⁹ Bangzieh ahei cile Israel mite le Levi’ suonte in mun siengtho vanzahte koina, siempute tuonvai sepna, le tunkot cingte le lasate opna mun vankholna-ah lenggazu, le sathau kipiete a peipi ding uhi. Topa i Pasien uh’ biehinn don loin i om sih ding uhi.