Misimna 7 - Zo Bible

Lamkaite’ Biehnate

¹ Moses in biehbuh dingsahin a vanzah zosie sathau nu-in siensuo a, tuale maitam le a vanzah zosie teng sathau nu-in a siensuo a man ni-in,

² Israel makaite, amau’ pupa innkuon makaite, a kisim mite a uh minam makaite in biehna a pie uhi.

³ Amate in a tungkhu nei leeng guh le bawngtang sawm le ni, makai ni in leng khat ciet, makai khat in bawngtang khat ciet Topa mai-ah biehna-in a peipi uhi; amate in biehbuh mai-ah tuate a pie uhi.

⁴ Tua ciengin Topa in Moses kungah tam bangin a gen hi:

⁵ Kikhopna puonbuh nasepna-a zah dingin amate tung panin tam teng sang inlen, a nasep ciet utawh kizui-in Levi-te pie in.

⁶ Tuaci’n Moses in leengte le bawngtangte la-in Levi-te tungah tuate a pie hi.

⁷ Amau’ nasep tawh kizui-in Gershon-te kungah leeng ni le bawngtang li a pie hi;

⁸ ama in siempu Aaron’ tapa Ithamar uhna nei-ah na a sem Merari-te tungah a nasep utawh kizui-in leeng li le bawngtang giet a pie hi.

⁹ Ahi vangin ama in Kohath-te tungah bangma pie lo hi. Azieh pen liengko-a a puoh ding uh siengtho nate kep ding amate tavuon kipie hi.

¹⁰ Maitam sathau a kinu hun ciengin makaite in zong maitam apna ding biehnate a pie uhi; makaite in a biehna uh maitam mai-ah a pie uhi.

¹¹ Topa in Moses kungah tam bangin a gen hi: Maitam ap nadingin makai khat in ni khat ciet a biehna uh pie ding uhi.

¹² A ni masa ni-a biehna piepa pen Judah minam, Amminadab’ tapa Nahshon ahi hi;

¹³ ama’ silpieh pen mun siengtho shekel tawh kizui-in shekel zakhat le sawmthum a khai ngun kuongdai khat, shekel sawmsagi a khai ngun kuong khat, an tawh biehna dinga sathau tawh kihal annel tuituoh tua a kuong gel a dimvum tuoh tawh;

¹⁴ shekel sawm a khai gimnamtui a dim kham pakan khat;

¹⁵ meihal biehna dingin bawngtangno khat, tuutang khat, kum khat a pha tuuno apa khat;

¹⁶ mawna zieha biehna dingin keel apa khat;

¹⁷ thunuom biehpiehna dingin bawngtang ni, tuutang nga, keel apa nga, le kum khat a pha tuuno apa nga ahi hi. Tam pen Amminadab’ tapa Nahshon’ silpieh ahi hi.

¹⁸ A ni ni ni-in Issachar-te makai Zuar’ tapa Nethanel in biehna a pie hi;

¹⁹ a biehna dingin ama in mun siengtho shekel tawh kizui-in shekel zakhat le sawmthum a khai ngun pakan khat, shekel sawmsagi a khai ngun kuongdai khat, an tawh biehna dingin sathau tawh kihal annel tuituoh tua kuong gel dimvum tuoh tawh;

²⁰ shekel sawmsagi a khai gimnamtui a dim kham pakan khat;

²¹ meihal biehna dingin bawngtangno khat, tuutang khat, kum khat a pha tuuno apa khat;

²² mawna zieha biehna dingin keel apa khat;

²³ thunuom biehpiehna dingin bawngtang ni, tuutang nga, keel apa nga, le kum khat a pha tuuno apa nga a hi hi. Tam pen Zuar’ tapa Nethanel’ silpieh ahi hi.

²⁴ A ni thum ni-in Zebulun-te makai Helon’ tapa Eliab ahi hi.

²⁵ Ama biehna pen mun siengtho shekel tawh kizui-in shekel zakhat le sawmthum a khai ngun kuongdai khat, shekel sawmsagi a khai ngun kuong khat, an tawh biehna dingin sathau kihal annel tuituoh tua kuong gel a dimvum tuoh tawh;

²⁶ shekel sawmsagi a khai gimnamtui a dim kham pakan khat;

²⁷ meihal biehna dingin bawngtangno khat, tuutang khat, kum khat a pha tuuno apa khat;

²⁸ mawna zieha biehna dingin keel apa khat;

²⁹ thunuom biehpiehna dingin bawngtang ni, tuutang nga, keel apa nga, le kum khat a pha tuuno apa nga ahi hi. Tam pen Helon’ tapa Eliab’ silpieh ahi hi.

³⁰ A ni li ni-in Reuben-te makai Shedeur’ tapa Elizur ahi hi.

³¹ Ama biehna pen mun siengtho shekel tawh kizui-in shekel zakhat le sawmthum a khai ngun kuongdai khat, shekel sawmsagi a khai ngun kuong khat, an tawh biehna dingin sathau tawh a kihal annel tuituoh tua kuong tegel a dimvum tuoh tawh;

³² shekel sawmsagi a khai gimnamtui kham pakan khat;

³³ meihal biehna dingin bawngtangno khat, tuutang khat, kum khat a pha tuuno apa khat;

³⁴ mawna zieha biehna dingin keel apa khat;

³⁵ thunuom biehpiehna dingin bawngtang ni, tuutang nga, keel apa nga, le kum khat a pha tuuno apa nga ahi hi. Tam pen Shedeur’ tapa Elizur’ silpieh ahi hi.

³⁶ A ni nga ni-in Simeon-te makai Zurishaddai’ tapa Shelumiel ahi hi:

³⁷ Ama biehna pen mun siengtho shekel tawh kizui-in shekel zakhat le sawmthum a khai ngun kuongdai khat, shekel sawmsagi a khai ngun kuong khat, an tawh biehna dingin sathau tawh kihal annel tuituoh kuong gel a dimvum tuoh tawh;

³⁸ shekel sawm a khai gimnamtui a dim kham pakan khat;

³⁹ meihal biehna dingin bawngtangno khat, tuutang khat, kum khat a pha tuuno apa khat;

⁴⁰ mawna zieha biehna dingin keel apa khat;

⁴¹ le thunuom biehpiehna dingin bawngtang ni, tuutang nga, keel apa nga, le kum khat a pha tuuno apa nga ahi hi. Tam pen Zurishaddai’ tapa Shelumiel’ silpieh ahi hi.

⁴² A ni guh ni-in Gad-te makai Deuel’ tapa Eliasaph ahi hi:

⁴³ Ama biehna pen mun siengtho shekel tawh kizui-in shekel zakhat le sawmthum a khai ngun kuongdai khat, shekel sawmsagi a khai ngun kuong khat, an tawh biehna dingin sathau kihal annel tuituoh tua kuong gel a dimvum tuoh tawh;

⁴⁴ shekel sawm a khai gimnamtui a dim kham pakan khat tawh;

⁴⁵ meihal biehna dingin bawngtangno khat, tuutang khat, kum khat a pha tuuno apa khat;

⁴⁶ mawna zieha biehna dingin keel apa khat;

⁴⁷ le thunuom biehpiehna dingin bawngtang ni, tuutang nga, keel apa nga, le kum khat a pha tuuno apa nga ahi hi. Tam pen Deuel’ tapa Eliasaph’ silpieh ahi hi.

⁴⁸ A ni sagi ni-in Ephraim-te makai Ammihud’ tapa Elishama ahi hi:

⁴⁹ Ama biehna pen mun siengtho shekel tawh kizui-in shekel zakhat le sawmthum a khai ngun kuongdai khat, shekel sawmsagi a khai ngun kuong khat, an tawh biehna dingin sathau kihal annel tuituoh tua kuong gel a dimvum tuoh tawh;

⁵⁰ shekel sawm a khai gimnamtui a dim kham pakan khat;

⁵¹ meihal biehna dingin bawngtangno khat, tuutang khat, kum khat a pha tuuno apa khat;

⁵² mawna zieha biehna dingin keel apa khat;

⁵³ le thunuom biehpiehna dingin bawngtang ni, tuutang nga, keel apa nga, le kum khat a pha tuuno apa nga ahi hi. Tam pen Ammihud’ tapa Elishama’ silpieh ahi hi.

⁵⁴ A ni giet ni-in Manasseh-te makai Pedahzur’ tapa Gamaliel ahi hi:

⁵⁵ Ama biehna pen mun siengtho shekel tawh kizui-in shekel zakhat le sawmthum a khai ngun kuongdai khat, shekel sawmsagi a khai ngun kuong khat, an tawh biehna dingin sathau kihal annel tuituoh tua kuong gel a dimvum tuoh tawh;

⁵⁶ shekel sawmsagi a khai gimnamtui a dim kham pakan khat;

⁵⁷ meihal biehna dingin bawngtangno khat, tuutang khat, kum khat a pha tuuno apa khat;

⁵⁸ mawna zieha biehna dingin keel apa khat;

⁵⁹ le thunuom biehpiehna dingin bawngtang ni, tuutang nga, keel apa nga, le kum khat a pha tuuno apa nga ahi hi. Tam pen Pedahzur’ tapa Gamaliel’ silpieh ahi hi.

⁶⁰ A ni kuo ni-in Benjamin-te makai Gideoni’ tapa Abidan ahi hi:

⁶¹ Ama biehna pen mun siengtho shekel tawh kizui-in shekel zakhat le sawmthum a khai ngun kuongdai khat, shekel sawmsagi a khai ngun kuong khat, an tawh biehna dingin sathau kihal annel tuituoh tua kuong gel a dimvum tuoh tawh;

⁶² shekel sawm a khai gimnamtui a dim kham pakan khat;

⁶³ meihal biehna dingin bawngtangno khat, tuutang khat, kum khat a pha tuuno apa khat;

⁶⁴ mawna zieha biehna dingin keel apa khat;

⁶⁵ le thunuom biehpiehna dingin bawngtang ni, tuutang nga, keel apa nga, le kum khat a pha tuuno apa nga ahi hi. Tam pen Gideoni’ tapa Abidan’ silpieh ahi hi.

⁶⁶ A ni sawm ni-in Dan-te makai Ammishaddai’ tapa Ahiezer ahi hi:

⁶⁷ Ama biehna pen mun siengtho shekel tawh kizui-in shekel zakhat le sawmthum a khai ngun kuongdai khat, shekel sawmsagi a khai ngun kuong khat, an tawh biehna dingin sathau kihal annel tuituoh tua kuong gel a dimvum tuoh tawh;

⁶⁸ shekel sawm a khai gimnamtui a dim kham pakan khat;

⁶⁹ meihal biehna dingin bawngtangno khat, tuutang khat, kum khat a pha tuuno apa khat;

⁷⁰ mawna zieha biehna dingin keel apa khat;

⁷¹ le thunuom biehpiehna dingin bawngtang ni, tuutang nga, keel apa nga, le kum khat a pha tuuno apa nga a hi hi. Tam pen Ammishaddai’ tapa Ahiezer’ silpieh ahi hi.

⁷² A ni sawm le khat ni-in Asher-te makai Okran’ tapa Pagiel ahi hi:

⁷³ Ama biehna pen mun siengtho shekel tawh kizui-in shekel zakhat le sawmthum a khai ngun kuongdai khat, shekel sawmsagi a khai ngun kuong khat, an tawh biehna dingin sathau kihal annel tuituoh tua kuong gel a dimvum tuoh tawh;

⁷⁴ shekel sawm a khai gimnamtui a dim kham pakan khat;

⁷⁵ meihal biehna dingin bawngtangno khat, kum khat a pha tuuno apa khat;

⁷⁶ mawna zieha biehna dingin keel apa khat;

⁷⁷ le thunuom biehpiehna dingin bawngtang ni, tuutang nga, le kum khat a pha tuuno apa nga ahi hi. Tam pen Okran’ tapa Pagiel’ silpieh ahi hi.

⁷⁸ A sawm le ni ni-in Naphtali-te makai Enan’ tapa Ahira ahi hi:

⁷⁹ Ama biehna pen mun siengtho shekel tawh kizui-in shekel zakhat le sawmthum a khai ngun kuongdai khat, shekel sawmsagi a khai ngun kuong khat, an tawh biehna dingin sathau kihal annel tuituoh tua kuong gel a dimvum tuoh tawh;

⁸⁰ shekel sawm a khai gimnamtui a dim kham pakan khat;

⁸¹ meihal biehna dingin bawngtangno khat, tuutang khat, kum khat a pha tuuno apa khat,

⁸² mawna zieha biehna dingin keel apa khat;

⁸³ le thunuom biehpiehna dingin bawngtang ni, tuutang nga, keel apa nga, le kum khat a pha tuuno apa nga hi hi. Tam pen Enan’ tapa Ahira’ silpieh ahi hi.

⁸⁴ Maitam sathau a kinu ni-in tua maitam ap nadinga Israel lamkaite in a pieh uh biehna pen tam teng ahi hi: Ngun kuongdai sawm le ni, ngun kuong sawm le ni,

⁸⁵ ngun kuongdai khat ciengin shekel zakhat le sawmthum khai-in ngun kuong khat ciengin shekel sawmsagi khai a, ngun kuong zosie pen mun siengtho shekel tawh kizui-in shekel tulni le zali khai hi.

⁸⁶ Gim namtui a dim kham pakan sawm le nite, mun siengtho shekel tawh kizui-in khat in shekel sawm khai a, kham pakan zosie shekel zakhat le sawmni khai hi;

⁸⁷ meihal biehna dingin ganhon zosie ahi bawngtang sawm le ni, kum khat a pha tuuno apa sawm le ni, an tawh biehnate tawh; tuale mawna zieha biehna dingin keel apa sawm le ni;

⁸⁸ thunuom biehpiehna dingin ganhon zosie ahi bawngtang sawmni le li, tuutang sawmguh, keel apa sawmguh, kum khat a pha tuuno apa sawmguh ahi hi. Tam teng pen maitam sathau a kinu zaw cienga apna biehnate ahi hi.

⁸⁹ Kikhopna buh sungah Topa tawh kiho dingin Moses a lut ciengin cherub ni gel kikal thuciemna singkuong tunga om hepina topha tung panin ama a hopi awging a za hi; tua bang awging in Moses a hopi hi.