Joshua 12 - Zo Bible

Moses’ Zaw Kumpite

¹ Nisuona lam Jordan galkhat, Arnon Lui panin Hermon Muol cieng dong, Arabah nisuona lam zosie, tam teng pen tu-in Israel-te in zo-in a lahsa uh kumpite’ gam ahi hi:

² Heshbon-a teng Amor-te Kumpipa Sihon, Arnon Lui monga om Aroer pan, le kuom laikim panin Gilead phallang khat ahi Ammon-te gamgi Jabbok gun cieng dong,

³ le Arabah panin Chinneroth Tuipi nisuona lam, le Beth-jeshimoth peina lamah Si Tuipi ahi Arabah tuipi dong, le a hlanglam-ah Pisgah gamken bul dong ahi hi;

⁴ tuale Ashtaroth le Edrei-a teng Rephaim-te kumpi nukhiate lahah khat ahi Bashan kumpipa Og ahi hi.

⁵ Ama in Hermon Muol le Salecah, le Bashan gam zosie, Geshur-te le Maacath-te’ gamgi cieng dong, le Gilead gam phallang khat panin Heshbon Kumpipa Sihon’ gamgi cieng dong a uh hi.

⁶ Topa’ nasem Moses le Israel-te in amate a zo uhi; tuale Topa’ nasem Moses in Reuben-te, Gad-te, le Manasseh minam alangte tungah amau’ tan dingin leitang a pie hi.

Joshua’ Zaw Kumpite

⁷ Tam teng pen Jordan nitumna lam panga Joshua le Israel-te in a na zawsa kumpi gamte hi a, Lebanon kuom sung Baal-gad panin Seir lama kihlungto Halak Muol cieng dong hi a, (Israel minamte amau’ tanh ding tawh kizui-in Joshua in a luo ding vua a pieh,

⁸ muoltung gam sung, lei ngiemna gam sung, Arabah gam sung, muolpang gamken teng, senel gam sung, le Negeb gam sunga om Hit-te, Amor-te, Canaan-te, Periz-te, Hiv-te, le Jebus-te’ gamte ahi hi):

⁹ Jericho kumpi khat, Bethel kunga Ai kumpi khat

¹⁰ Jerusalem kumpi khat, Hebron kumpi khat,

¹¹ Jarmuth kumpi khat, Lachish kumpi khat,

¹² Eglon kumpi khat, Gezer kumpi khat,

¹³ Debir kumpi khat, Geder kumpi khat,

¹⁴ Hormah kumpi khat, Arad kumpi khat,

¹⁵ Libnah kumpi khat, Adullam kumpi khat,

¹⁶ Makkedah kumpi khat, Bethel kumpi khat,

¹⁷ Tappuah kumpi khat, Hepher kumpi khat,

¹⁸ Aphek kumpi khat, Lasharon kumpi khat,

¹⁹ Madon kumpi khat, Hazar kumpi khat,

²⁰ Shimron-meron kumpi khat, Achshaph kumpi khat,

²¹ Taanach kumpi khat, Megiddo kumpi khat,

²² Kedesh kumpi khat, Carmel gam sunga Jokneam kumpi khat,

²³ Naphath-dor sunga Dor kumpi khat, Galilee sunga Goiim kumpi khat,

²⁴ Tirzah kumpi khat, a unpi-in kumpi sawmthum le khat ahi hi.