Hosea 3 - Zo Bible

Pasien’ Tatkhiet Itna tawh Kihlamuongsahkia

¹ Topa in keima kungah thu ang genkia a, “Peikia inlen lawm ngaisa le angkawmsa numei khat va ngai in. Israel mite, pasien dangte lamah kihei-in amate in milim biehna-in lengga gaw mohte tawi nan ule Topa in amate a it veve ma bangin tua numei va it in,” ei ci hi.

² Tuaci’n keima in ngun shekel sawm le nga le mangbuham homer khat le alang tawh tua nu ka lei hi.

³ Tuale keima in tua nu kungah, “ Ka zi bangin ni tampitah omin na pahtat nawn sih ding a, midangte tawh lumton loin kei tawh zong i lumton sih ding hi,” ka ci hi.

⁴ Azieh pen hun sawtveipi sung kumpi le ulien, biehpiehna, biehna song, siempu puon le teraphim nei loin Israel-te a om ding uhi.

⁵ Tua zaw ciengin Israel-te kihei-in Topa a Pasien ule a kumpipa uh David a sui ding uhi; hun nukhia ciengin amate in zatahna lienpi tawh Topa le ama’ hoina a zuon ding uhi.