2 Kumpite 15 - Zo Bible

Azariah in Judah Uh

¹ Israel kumpi Jeroboam a kum sawmni le sagina kumin Judah kumpipa Amaziah’ tapa Azariah maan ding a kipan hi.

² Ama a maan ding a kipatin kum sawm le guh pha a, Jerusalem ah kum sawmnga le ni sung maang hi. A nu’ min Jecoliah ahi a, Jerusalem-te ahi hi.

³ A pa Amaziah’ bawl bang lienin Topa muna-ah a manin a gamta hi.

⁴ Ahi vangin munsangte a kihemkhie tuon sih hi; munsangte tungah mite kithoi-in biehna pie lai veve uhi.

⁵ Tuaci’n Topa in a si dongin phah natna tawh kumpipa a gawt ziehin inn tuomah a teng hi. Kumpipa’ tapa Jotham in kumpi inn sung thu zosie van a, tua gam mite uh hi.

⁶ Tu-in Azariah’ gamtatna a omlai teng le a sep zosie, Judah Kumpite’ Khang Sutna Laibu sungah kigiel hi lo amah?

⁷ A a pu a pate tawh Azariah lumton hi; amate in David’ khuopi sunga a pu a pate tawh ama a vui uhi; a tapa Jotham in ama’ za luo hi.

Israel ah Zechariah Maang

⁸ Judah Kumpi Azariah a kum sawmthum le gietna kumin Samaria ah Jeroboam’ tapa Zechariah hla guh sung maang hi.

⁹ A pu a pate na bawlsa bangin Topa muna-ah ama siet gamtat hi. Israel a mawsah Nebat’ tapa Jeroboam mawnate panin ama a kikoicing sih hi.

¹⁰ Jabesh’ tapa Shallum in ama a sawmdap a, tuale mipite mai-ah ama satpua-in that hi, tuale ama tangin a maang hi.

¹¹ Tu-in Zechariah’ sepna a omlai teng, Israel Kumpite’ Khang Sutna Laibu sungah kigiel hi lo amah?

¹² Tam pen Jehu’ kunga a na gen, “Khang lina dongin na tapate kumpi topha tungah to ding uhi,” a ci Topa’ thuciemna ahi hi. Tua bang ma-in a pieng hi.

Israel ah Shallum Maang

¹³ Judah kumpi Uzziah a kum sawmthum le kuona kumin Jabesh’ tapa Shallum maan ding kipan a, ama Samaria ah hla khat sung maang hi.

¹⁴ Tua ciengin Tirzih panin Samaria ah Gadi’ tapa Menahem tungto hi; ama in Jabesh’ tapa Shallum satlia-in that hi; ama tangin ama maang hi.

¹⁵ Tu-in Shallum’ sepna a omlai teng le ama in a sepsa a mi sawmdapna, Israel Kumpite’ Khang Sutna Laibu sungah kigiel hi lo amah?

¹⁶ Amate in khum hunin ama adingin a kotpite uh a hon lo ziehun Menahem in Tiphsah le a sunga om zosie le Tirzah panin a gam sung teng a bulu hi. Ama in gam sunga numei naupai zosie’ gil a kuikehpieh hi.

Israel ah Menahem Maang

¹⁷ Judah kumpi Azariah a kum sawmthum le kum kuona kumin Gadi’ tapa Menahem in Israel tungah maan ding kipan a, Samaria ah kum sawm sung maang hi.

¹⁸ Topa muna-ah ama siet gamtat hi; a hin sung tungtawnin Israel a mawsah Nebat’ tapa Jeroboam’ mawnate panin ama kikoicing lo hi.

¹⁹ Khum gam a sim dingin Assyria kumpi Pul kuonto hi; a kumpi aana a tuhkip thei nadinga a panpi dingin Menahem in Pul tungah ngun talent tulkhat a pie hi.

²⁰ Menahem in Assyria kumpipa tunga a pieh dingin mihau zosie, mi khat ciengin ngun shekel sawmnga ta, Israel tung panin a dong hi. Tuaci’n Assyria kumpipa kilekia-in gam sungah gieh nawn lo hi.

²¹ Tu-in Menahem’ sepna a omlai teng le a septe zosie, Israel Kumpite’ Khang Sutna Laibu sungah kigiel hi lo amah?

²² A pu a pate tawh Menahem lumton a, a tapa Pekahiah in ama’ za luo hi.

Israel ah Pekahiah Maang

²³ Judah kumpi Azariah a kum sawmngana kumin Menahem’ tapa Pekahiah in Samaria panin Israel tungah maan ding kipan hi. Ama kum ni sung maang hi.

²⁴ Topa muna-ah ama siet gamtat hi; Israel a mawsah Nebat’ tapa Jeroboam’ mawnate panin ama kikoicing lo hi.

²⁵ A galkap bupa Remaliah’ tapa Pekah in Gilead-te mihing sawmnga tawh ama sawmdap a, Samaria-a kumpipa’ inn kulpi sungah ama le Argob le Arieh-te tawh suomtha hi; tuale ama thatin ama tangin maang hi.

²⁶ Tu-in Pekahiah’ nasepna a omlai teng le a sep zosie, Israel Kumpite’ Khang Sutna Laibu sungah kigiel hi lo amah?

Israel ah Pekah Maang

²⁷ Judah kumpi Azariah a kum sawmnga le nina kumin Remaliah’ tapa Pekah in Samaria panin Israel tungah maan ding kipan a, ama kum sawmni sung maang hi.

²⁸ Topa muna-ah ama siet gamtat hi; Israel a mawsah Nebat’ tapa Jeroboam’ mawnate panin ama kikoicing lo hi.

²⁹ Israel kumpi Pekah hun sungin Assyria kumpi Tiglath-pileser kuonin Ijon, Abel-beth-maacah, Janoah, Kedesh, Hazor, Gilead, le Galilee, le Naphtali gam zosie a la hi; tuale Assyria ah salin a mite kai hi.

³⁰ Tua ciengin Elah’ tapa Hoshea in Remaliah’ tapa Pekah sawmdapin ama busimin a that hi. Ama in Uzziah’ tapa Jotham a kum sawm nina kumin ama tangin maang hi.

³¹ Tu-in Pekah’ gamtatna a omlai teng le a sep zosie, Israel Kumpite’ Khang Sutna Laibu sungah kigiel hi.

Judah ah Jotham Maang

³² Israel kumpi Remaliah’ tapa kumpi Pekah a kum nina kumin Judah kumpi Uzziah’ tapa Jotham in uh ding kipan hi.

³³ Ama in uh ding a kipatin kum sawm le nga pha a, kum sawm le guh sung Jerusalem ah uh hi. A nu’ min Jerusha ahi a, Zadok’ tanu ahi hi.

³⁴ A pa Uzziah’ gamtat bang lienin Topa muna-ah ama a dihin a gamta hi.

³⁵ Hinanle munsangte a kihemkhie tuon sih hi; munsangte tungah mite kithoi-in biehna pie lai veve uhi. Ama in Topa’ biehinn kotkhah tungnung pen a bawl hi.

³⁶ Tu-in Jotham’ nasepna a omlai teng le a sep zosie, Judah Kumpite’ Khang Sutna Laibu sungah kigiel hi lo amah?

³⁷ Tua hun lai-in Topa in Judah sim dingin Aram kumpipa Rezin le Remaliah’ tapa Pekah sawl ding kipan hi.

³⁸ A pu a pate tawh Jotham lumton a, David’ khuopi sungah kivui hi; a tapa Ahaz in ama’ za luo hi.