2 Khangthute 27 - Zo Bible

Jotham’ Uhna

¹ Jotham a maan ding a kipatin kum sawmni le nga pha hi; ama Jerusalem ah kum sawm le guh sung maang hi. Ama nu’ min Jerushah ahi a, Zadok’ tanu ahi hi.

² A pa Uzziah’ sepsa bang lienin Topa muna-ah a manin ama gamta a- Topa’ biehinnpi sung behah ama lut lo hi. Hinanle mite in a sie gamtatnate zom lai uhi.

³ Ama in Topa’ tunkot tungnung lam a, Ophel kul tungah zong inn tampi a lambe hi.

⁴ Tham loin ama in Judah muoltung gamah khuopite, le sing tamna muoltang tengah kulte ciengin tausangte a lam hi.

⁵ Ammon-te’ kumpipa tawh kido-in amate a zo hi. Khum kumin Ammon-te in ngun talent zakhat, mangbu cor tulsawm le mangbuham cor tulsawm ama a pie uhi. Ammon-te in a kum nina le a kum thumna kumin tua za ma a pie uhi.

⁶ Tuaci’n Jotham in Topa a Pasien mai-ah a gamtatna bawlpha ahi ziehin ama a thahat hi.

⁷ Tu-in Jotham’ gamtatna a omlai teng, le a galsimna zosiete, le a om dante, Israel le Judah Kumpite’ Tangthu Laibu sungah kigiel hi.

⁸ Ama a maan ding a kipatin kum sawmni le nga pha hi; ama Jerusalem ah kum sawm le guh sung a maang hi.

⁹ A pu a pate tawh lumton a, David’ khuopi sungah ama a vui uhi; tuale a tapa Ahaz in ama’ za luo hi.