1 Samuel 26 - Zo Bible

David in Saul Nivei Hinkhawi

¹ Tua ciengin Ziph-te Gibeah-a Saul kungah a pei vua, “Jeshimon tawh kigalsai Hachilah muol tungah David kiphuol hi,” a ci uhi.

² Tuaci’n Saul tho a, a kiteel Israel mi tulthum tawh David sui dingin Ziph senel gamah a kuonsuh hi.

³ Saul in Jeshimon tawh kigalsai, lampi gei-a om Hachilah muol tungah giephuol a sat hi. Ahi vangin senel gamah David a omlai hi. Saul in ama a sulzui lam a thei ciengin

⁴ David in thukante sawl a, Saul a tun tahtah lam a thei hi.

⁵ Tua ciengin David dingin Saul’ giephuol satna munah a pei hi; tuale David in Saul a galkapmangpa Abner tawh a lupna mun a mu hi. Giephuol sungah Saul lumin a kimvelah galkapte in giephuol a sat uhi.

⁶ Tua ciengin David in Hit-te Ahimelech le Joab’ sanggampa Zeruiah’ tapa Abishai kungah, “Saul’ giephuolah keima tawh a va kuonsuh ding koi na hi vuoi?” a ci hi. Abishai in, “Kei nang tawh hing kuonsuh vang,” a ci hi.

⁷ Tuaci’n zanin galkapte kungah David le Abishai a pei uhi; khum sunga giephuolah Saul na kimu a, a khawhlung leilahah a teipi na kiphut hi; tuale ama kimvelah Abner le a galkapte a lum uhi.

⁸ Abishai in David kungah, “Tuni-in Pasien in na khut sungah na galpa ang pie zo ta hi; tua ziehin tu-in teipi-in khatvei beh hing khaw vangin lei tawh hing kiltha vang; ni vei khaw ding kisam lo hi,” a ci hi.

⁹ Ahi vangin David in Abishai kungah, “Ama that sin; bangzieh ahei cile Topa’ sathau nupa tungah a khut hlang poma khielna panin a peng ding na sa amah?” a ci hi.

¹⁰ David in, “Topa a hing ahi ma bangin, Topa in ama a satlia ding hi; ahi si leh zong a si hun ang tung ding hi; ahi sihle galphuolah va kuonsuhin a si ding hi,” a ci hi.

¹¹ Topa’ sathau nu pa tungah ka khut ka hlan ding Topa in ei khaam hi; hinanle tu-in a khawhlung a teipi le tuithawl la inlen pei vai,” a ci hi.

¹² Tuaci’n David in Saul’ khawhlunga teipi le tuithawl la-in a pei uhi. Amate a unpi-un a kimut sieng ziehun koima in mu lo a, koima in zong a thei sih a, koima khat zong a khanglo sih uhi; bangzieh ahei cile ama tungah Topa in a kimut uh a suohsah mama hi.

¹³ Tua ciengin David galkhatah galkai a, amate kikal saupi kihalin muol dawnah a ding hi.

¹⁴ David in galkapte le Ner’ tapa Abner hlan a, “Abner! Ei dawng lo ding na mah?” a ci hi. Tua bepin Abner in dawngin, “Kumpipa hlan nang koi na hiei?” a ci hi.

¹⁵ David in Abner kungah, “Nang pasal hi lo na mah? Israel sungah nang tawh kibang koi om ahei? Tua ahile bang dinga na pu kumpipa cing lo na hei? Bangzieh ahei cile na pu kumpipa susie dingin mi khat ang pei hi.

¹⁶ Tam banga na gamtat pen a hoi vawt sih hi. Topa a hing ahi ma bangin a si dinga kilawm na hi hi. Bangzieh ahei cile Topa’ sathau nu pa ahi na pupa na vil sih hi. Tu-in en in, kumpipa’ teipi le a khawhlunga tuithawl hei-ah a om ei?” a ci hi.

¹⁷ Saul in David’ awsuo a thei a, “Ka tapa David, tami nang aw amah?” a ci hi. David in, “Ka pupa kumpipa aw, tami keima’ awsuo ahi hi,” a ci hi.

¹⁸ Ama in genbe a, “Bang dingin ka pupa in a nasempa a leisui ahei? Ke’n bang ka bawl ahei? Ka tungah bang khielna om ahei?

¹⁹ Tua ahi ziehin tu-in ka pu kumpipa in a nasempa’ thugente za in. Keima ei do dinga ang hansuo pen Topa ahile ama in ka biehna ei sang taheh; ahi vangin mihingte ahile, Topa mai-ah samsiet thuoh uheh. Azieh pen amate in Topa’ gouluo ka tanhna panin ei notmang vua, ‘Pei inlen, pasien dangte’ na va sem in,’ ei ci uhi.

²⁰ Tua ahi ziehin tu-in Topa opna panin a kigamla leitang tungah ka sisan kiesah sin; azieh pen muol dawnah vala man dinga mi a kuon bangin thomi bang bep lel kei ei that dingin Israel kumpipa nang kuon hi,” a ci hi.

²¹ Tua ciengin Saul in, “Ka gamta khiel ta hi; ka ta David aw, hing peikia ta’n, bangzieh ahei cile nangma’ muna-ah ka hinna manpha mama ahi ziehin nang kang bawlsie ngai nawn sih ding hi; kei mimaw ka hi a, khielna lienpi ka bawlkha ta hi,” a ci hi.

²² David in dawng a, “Tanah na teipi om hi, kumpipa! Tangvalte khat hing peisah inlen hing lasah in.

²³ Topa in mi zosie a dihna le a citahna ziehin thaman a pie hi; bangzieh ahei cile tuni-in Topa in ka khut sungah nangma ei pie a, hinanle Topa’ sathau nu pa tungah ka khut ka hlang sih ding hi.

²⁴ Tuni-in ka mitmu-in na hinna a manphat ma bangin keima’ hinna zong Topa’ mitmu-in manpha hinlen gimna zosie panin Topa in nang hing hunkhie taheh,” a ci hi.

²⁵ Tua ciengin Saul in David kungah, “Thupha nga ta in, ka tapa David! Nangma in na tampi na sem ding a, tuate na muolsuo ding hi,” a ci hi. Tuaci’n David ama’ lampi-ah pei a, Saul zong ama’ opna-ah a kilekia hi.