1 Khangthute 9 - Zo Bible

¹ Tuaci’n khangsimnate sungah Israel mi zosie kiciemte hi; tuale Israel Kumpite’ Laibu sungah tam teng kigiel hi. Amau’ thuman lona ziehin Babylon ah Judah salin kipeipi hi.

² Tu-in ahile amau’ neisa amau’ khuopite sunga a tengkia masate pen Israel-te, siempute, Levi-te, le biehinnpi nasemte ahi uhi.

Saltan Zaw Jerusalem-a Tengte

³ Tuale Judah, Benjamin, Ephraim, le Manasseh mi pawlkhat Jerusalem ah a teng uhi:

⁴ Judah tapa Perez’ tapate lah panin Bani’ tapa Imri, a tapa Omri, a tapa Ammihud, a tapa Uthai ahi uhi.

⁵ Shilon-te lah panin: A tacil Asaiah le a tapate.

⁶ Zerah’ tapate lah panin: Jeuel le a unaute zaguh le sawmkuo.

⁷ Benjamin-te lah panin: Hassenuah’ tapa Hodaviah, a tapa Meshullam, a tapa Sallu.

⁸ Jeroham’ tapa Ibneiah, Machri’ tapa Uzzi, a tapa Elah, le Ibnijah’ tapa Reuel, a tapa Shephatiah, a tapa Meshullam.

⁹ A khanggui uh dung zui-in a sanggamte uh zakuo le sawmnga le guh pha hi. Tam teng pen pupa innkuon lutangte ahi uhi.

Siempu Innkuonte

¹⁰ Siempute lah panin: Jedaih, Jehoiarib, Jachin,

¹¹ le Ahitub’ tapa Meraioth, a tapa Zadok, a tapa meshullam, a tapa Hilkiah’ tapa Azariah, Pasien’ biehinn uhpipa ahi hi;

¹² Malchijah’ tapa Pashhur, a tapa Jeroham, a tapa Adaiah, le Immer’ tapa Meshilemith, a tapa Meshullam, a tapa Jahzerah, a tapa Adiel, a tapa Maasai.

¹³ Amau’ unaute banah a pupa innkuon lutangte, Pasien’ biehinn sunga nasem siem mi tulkhat le zasagi le sawmguh ahi uhi.

¹⁴ Levi-te lah panin: Merari’ tapate sung pan Hashabiah, a tapa Azrikam, a tapa Hasshub, a tapa Shemaiah;

¹⁵ Bakbakkar, Heresh, Galal, le Asaph’ tapa Zikri, a tapa Mica, a tapa Mattaniah;

¹⁶ Jeduthun’ tapa Galal, a tapa Shemaiah, a tapa Obadiah, Netophath khuotate-a teng, Elkanah’ tapa Asa, a tapa Berechiah ahi hi.

¹⁷ Kulpi tunkot cingte: Shallum, Akkub, Talmon, le Ahiman ahi hi; tuale a sanggampa uh Shallum pen amau’ uhpi hi a,

¹⁸ amate pen nidangin kumpipa’ tunkot nisuona pang ngahin a om uhi. Tam teng pen Levi-te giephuola kotcingte ahi uhi.

¹⁹ Amau’ pu le pate pen biehbuh lutna mun a cing, Topa’ phuol uhte a na hi ma bangun, Korah’ tapa Ebiasaph, a tapa Kore, a tapa Shallum le ama’ pupa innkuonte’ sanggamte pen biehna nasepna a uh, puonbuh sangkil cingte ahi uhi.

²⁰ Tuale Eleazar’ tapa phinehas pen a tawpsa hunin amahaw’ uhpipa hi a, Topa in ama a ompi hi.

²¹ Meshelemaiah’ tapa Zechariah pen kikhopna puonbuh lutna kotcing pa ahi hi.

²² Kotcing dinga kiteel tam mite zosie a unpi-un zani le sawm le ni pha uhi. Amate ahile a khuota vua khangsimna-ah kisim uhi. David le thumu pa Samuel in tam panmun muonhuoite-ah amate na sudet uhi.

²³ Tuaci’n amate le a suonlehlahte pen Topa’ biehinn kotte a uh le puonbuhte cingin a pang uhi.

²⁴ Kotpi cingte ahile a ningli tengah, nisuona, nitumna, leilu, le leitaw lamah a pang uhi.

²⁵ Khuota sunga om a sanggamte uh ni sagi sielin amate tawh kiguol hlahin kotcing dingin a pei uh kul hi;

²⁶ bangzieh ahei Levi mi kotpi cing uhpi li teng pen innkhante le Pasien’ inn gougil koinate uh ahi uhi.

²⁷ Tuale Pasien’ inn gei-ah amate a zan gie uhi. Bangzieh ahei cile amate tungah zingmawng sielin vil ding nasep le kot hon ding nasep kiguon hi.

²⁸ Mi kimkhat in nasepna-a kizang umlebeel vai sai uhi. Azieh pen tuate a kilah cieng le a kikoikia ciengin a phaza a sim ding uh a kisam ahi hi.

²⁹ Amate lahah adang pawlkhatte pen topha sabuoite, vanzah siengthote, annelte, lenggazute, sathaute, gimnamtuite, le a namtui nate vil dingin kise hi.

³⁰ Siempute’ ta adangte in panamtui dingin gimnamtuite a hal ding vua,

³¹ Levi-te lahah Korah-te Shallum’ tacil Mattithiah in mohpheng bawlte a van hi.

³² Kohath sanggamte pawlkhat in zong sabbath simin Ompina Anlum guolte a bawl uhi.

³³ Tu-in tam teng pen lasate, Levi-te’ pupa innkuon lutangte, nasep dangte panin pengin biehinnpi innkhante sunga a tengte ahi uhi, azieh pen amate in sun le zanin na a sem uhi.

³⁴ Tam teng pen amau’ khanggui zui-a makaite, Levi-te’ pupa innkuon lutangte ahi uhi; Jerusalem ah amate a teng uhi.

Kumpi Saul’ Innkuonte

³⁵ Gibeon-ah Gibeon’ pa Jeiel teng a, ama zi’ min Maacah ahi hi.

³⁶ A tacil Abdon hi a, tua ciengin Zur, Kish, Baal, Ner, Nadab,

³⁷ Gedor, Ahio, Zechariah, le Mikloth ahi hi;

³⁸ tuale Mikloth pen Shimeam’ pa ahi hi; tam teng zong a tanaute tawh Jerusalem ah kimaingatin a teng uhi.

³⁹ Ner pen Kish’ pa, Kish pen Saul’ pa ahi hi. Saul pen Jonathan, Malchishua, Abinadab, le Eshbaal’ pa ahi hi;

⁴⁰ tuale Jonathan’ tapa Meribbaal hi a, Meribal pen Micah’ pa ahi hi.

⁴¹ Micah’ tapate: Pithon, Melech, Tahrea, le Ahaz;

⁴² tuale Ahaz pen Jarah’ pa hi a, Jarah pen Alemeth, Azmaveth, le Zimri’ pa ahi hi; tuale Zimri pen Moza’ pa ahi hi.

⁴³ Moza pen Binea’ pa ahi hi; tuale a tapa Rephaiah, a tapa Eleasah, a tapa Azel ahi hi.

⁴⁴ Azel in tapa guh nei a, tuate’ min: Azrikam, Bokheru, Ishmael, Sheariah, Obadiah, le Hanan ahi uhi; tam teng Azel’ tapate ahi uhi.