1 Khangthute 7 - Zo Bible

Isaachar’ Suonlehlahte

¹ Isaachar’ tapate: Tola, Puah, Jashub le Shimmon, li pha uhi.

² Tola’ tapate: Uzzi, Rephaiah, Jeriel, Jahmai, Ibsam, le Shemuel-te hi a, amau’ pupa innkuon sungah be lutangte ahi vua, Tola-te be pen amau’ khanggui-in mihat galhangte ahi uhi. David’ hun lai-in mihing tul sawmni le zaguh a pha uhi.

³ Uzzi’ tapa Izrahiah ahi hi. Izrahiah’ tapate: Michael, Obadiah, Joel, le Isshiah, mi nga ahi a, a unpi-un uhpite ahi uhi;

⁴ amate tawh, a khanggui le a be a phung utawh kizui-in gal sim thei galkap hon mi tul sawmthum le tul guh a om hi. Azieh pen amate in zi tampi nei-in tapa tampi zong a nei uhi.

⁵ Issachar minam sunga om, khangsimna sunga kikhum, amau’ be galhang mi thahat a unpi-in tul sawmgiet le tul sagi pha hi.

Benjamin’ Suonlehlahte

⁶ Benjamin tapate: Bela, Becher, le Jediael, thum pha uhi.

⁷ Bela’ tapate: Ezbon, Uzzi, Uzziel, Jerimoth, le Iri, nga a pha vua, pupa innkuon lutangte, a thahat galhangte ahi uhi; amau’ khangsimna sunga a kikhumna-ah tul sawmni le tulni le sawmthum le li pha uhi.

⁸ Becher’ tapate: Zemirah, Joash, Eliezer, Elioenai, Omri, Jeremoth, Abijah, Anathoth, le Alemeth ahi uhi. Tam teng zosie pen Becher’ tapate ahi uhi;

⁹ tuale amau’ khanggui zui-in a khangsimna sunga a kikhumna-ah pupa innkuon lutangte, a thahat galhang mi tul sawmni le zani a pha hi.

¹⁰ Jediael’ tapa Bilhan ahi hi. Bilhan’ tapate: Jeush, Benjamin, Ehud, Chenaanah, Zethan, Tarshish, le Ahishahar ahi uhi.

¹¹ Tam teng a unpi-un Jediael’ tapate ahi vua, pupa innkuon lutangte a hina uh dung zui-in mihat galhang, gal sim dinga a baisa-a om mi tul sawm le tulsagi le zani pha hi.

¹² Shuppim le Huppim pen Ir’ tapate ahi vua, Hushim pen Aher’ tapa ahi hi.

Naphtali’ Suonlehlahte

¹³ Naphtali’ tapate: Jahziel, Guni, Jezer, le Shallum ahi a, Bilhah’ suonlehlahte ahi uhi.

Manasseh’ Suonlehlahte

¹⁴ Manasseh’ tapate: A meinu Aram tawh a nei Asriel le Machir ahi hi; ama nu in Gilead’ pa Machir nei hi.

¹⁵ Tuale Machir in Huppim le Shuppim ading zi a lahpieh hi. A sanggamnu a min Maacah ahi hi. A nina nu’ min Zelophehad ahi hi; tuale Zelophehad in tanute nei hi.

¹⁶ Machir’ zi Maacah in ta khat nei a, ama in a min Peresh hisah hi; a sanggampa’ min Sheresh hi a, a tapate’ min Ulam le Rakem ahi uhi.

¹⁷ Ulam’ tapa Bedan ahi hi. Tam teng pen Manasseh’ tapa Machir’ tapa Gilead’ tapate ahi uhi.

¹⁸ A sanggamnu Hammolecheth in Ishhod, Abiezer, le Mahlah nei hi.

¹⁹ Shemida’ tapate Ahian, Shechem, Likhi, le Aniam ahi uhi.

Ephraim’ Suonlehlahte

²⁰ Ephraim’ tapate: A tapa Shuthelah, a tapa Bered, a tapa Tahath, a tapa Eleadah, a tapa Tahath,

²¹ a tapa Zabad, a tapa Shuthelah, le a tapa Ezer le Elead ahi uhi. Amate kuonsuhin a gante uh a lahpieh ziehun, gam sunga a suoh Gad mite in amate na that uhi.

²² Tuale amau’ pa Ephraim ni tampi sung kap a, ama henem dingin a sanggamte a pei uhi.

²³ Ephraim in a zi luppi a, ama gai-in tapa khat a nei hi; a inn sungah gimna a tun ziehin ama in a min Beriah a hisah hi.

²⁴ A tanu Sheerah ahi a, Beth-horon neinung tungnung le Uzzen-sheerah khuo a lam hi.

²⁵ Rephah a kici tapa khat nei a, ama suonlehlahte: Reseph, a tapa Telah, a tapa Tahan,

²⁶ a tapa Ladan, a tapa Ammihud, a tapa Elishama,

²⁷ a tapa Nun, a tapa Joshua ahi hi.

²⁸ A neite ule a tenna uh Bethel le khuopite, le nisuona lamah Naaran, le nitumna lamah Gezer le a khuopite, Shechem le a khuopite, le Azzah le a khuopite ahi hi;

²⁹ Manasseh’ mite gamgi duong teng, Beth-shean le a khuopite, Taanach le a khuopite, Megiddo le a khuopite, Dor le a khuopite zong ahi uhi. Tam khuopite sungah Israel’ tapa Joseph’ tapate a teng uhi.

Asher’ Suonlehlahte

³⁰ Asher’ tapate: Imnah, Ishvah, Ishvi, Beriah, le a sanggamnu uh Serah ahi hi.

³¹ Beriah’ tapate: Heber le Malchiel ahi a, Malchiel pen Birzaith’ pa ahi hi.

³² Heber pen Japhlet, Shomer, Hotham, le a sanggamnu uh Shua’ pa ahi hi.

³³ Japhlet’ tapate: Pasach, Bimhal, le Ashvath ahi uhi. Tam teng Japhlet’ tapate ahi uhi.

³⁴ Shemer’ tapate: Ahi, Rohgah, Hubbah, le Aram ahi uhi.

³⁵ A sanggampa Helem’ tapate: Zophah, Imna, Shelesh, le Amal ahi uhi.

³⁶ Zophah’ tapate: Suoh, Harnepher, Shual, Beri, Imrah,

³⁷ Bezer, Hod, Shamma, Shilshah, Ithran, le Beera ahi uhi.

³⁸ Jether’ tapate: Jephunneh, Pispa, le Ara ahi uhi.

³⁹ Ulla’ tapate: Arah, Hanniel, le Rizia ahi uhi.

⁴⁰ Tam teng zosie a unpi-un Asher’ sungkuon mite ahi vua, pupa innkuon lutangte, a kituomteel mihat galhangte, milien milalte ahi uhi. Gal sim dinga khangsimna sunga kikhum mihing tul sawmni le tulguh ahi hi.