1 Khangthute 4 - Zo Bible

Judah’ Suonlehlahte

¹ Judah’ tapate: Perez, Hezron, Carmi, Hur, le Shobal.

² Shobal’ tapa Reaiah pen Jahath’ pa hi a, Jahath pen Ahumai le Lahad’ pa ahi hi. Tam teng pen Zorath-te’ innkuonte ahi uhi.

³ Tam teng pen Etam’ tapate ahi uhi: Jezreel, Ishma, Idbash; tuale a sanggamnu uh’ min pen Hazzelelponi ahi hi,

⁴ tuale Penuel pen Gedor’ pa hi a, Ezer pen Hushah’ pa ahi hi. Tam teng pen Ephrathah’ tacil, Bethlehem’ pa Hur’ tapate ahi uhi.

⁵ Tekoa’ pa Ashhur in zi ni, Helah le Naarah nei hi;

⁶ Naarah in ama tawh Ahuzzam, Hepher, Temeni, le Haahashtari nei hi. Tam teng pen Naarah’ tapate ahi uhi.

⁷ Helah’ tapate: Zereth, Izhar, le Ethnan.

⁸ Koz pen Anub, Zobebah’ Harum’ tapa pen Aharhel’ innkuonte’ pa ahi hi.

⁹ Jabez pen a sanggamte sangin a zatah huoi zaw hi; tuale a nu in, “Gimpi-a ama ka nei ahi ziehin,” ci-in a min Jabez a phuoh hi.

¹⁰ Jabez in Israel Pasien kungah thungen a, “Aw, keima thupha ei pie inlen, ka gamgi ei kehpieh in, na khut tawh ei ompi inlen, gimna le sietna panin ei kem in!” a ci hi. Tuale Pasien in ama’ ngetna a pie hi.

¹¹ Shuhah’ sanggampa Chelub pen Mehir’ pa hi a, Mehir pen Eshton’ pa ahi hi.

¹² Eshton pen Beth-rapha, Paseah-te’ pa hi a, Tehinnah pen Ir-nahash’ pa ahi hi. Tam teng Recah-te ahi uhi.

¹³ Kenaz’ tapate: Othniel le Seraiah. Othniel’ tapate: Hathath le Meonothai.

¹⁴ Meonothai pen Ophrah’ pa ahi hi; tuale Seraiah pen Joab’ pa hi a, Joab pen Ge-harashim’ pa ahi hi. Amate pen khutsiem mite ahi ziehun tua bang kici ahi hi.

¹⁵ Jephunneh’ tapa Caleb’ tapate: Iru, Elah, le Naam. Elah’ tapa: Kenaz.

¹⁶ Jehallelel’ tapate: Ziph, Ziphah, Tiria, le Asarel.

¹⁷ “Ezrah’ tapate: Jether, Mered, Epher, le Jalon. Tam teng pen Mered tawh kiteng Pharaoh’ tanu Bithiah’ tapate ahi uhi. Ama gai-in Miriam, Shammai, le Eshtemeo’ pa pen Ishbah nei hi.

¹⁸ A Judea zi in Gedor’ pa Jered, Soco’ pa Heber, le Zanoah’ pa Jekuthiel nei hi.

¹⁹ Naham’ sanggamnu Hodiah’ zi tapate pen Garm-te Keilah le Maacath-te Eshtemoa’ pa ahi uhi.

²⁰ Shimon’ tapate: Amnon, Rinn ah, Ben-hanan, Tilon. Ishi’ tapate: Zoheth le Ben-zoheth.

²¹ Judah’ tapa Shelah’ tapate: Lecah’ pa Er le Mareshah’ pa Laadah le Beth-ashbea-a saihadiel puon a gan innkuonte;

²² tuale Jokim, le Cozeba mite, Moab numeite a kinunpi Joash le Saraph te ahi vua, ahi vangin Lehem ah kilekia uhi. (Tam pen tangtawng lai-a ciemtena ahi hi.)

²³ Tam teng pen beelkhengte ahi uhi; Netaim le Gederah-a tengte ahi uhi; ama na sem dingin khum munah kumpipa tawh amate a teng uhi.

Simeon’ Suonlehlahte

²⁴ Simeon’ tapate: Nemuel, Jamin, Jarib, Zerah, Shaul.

²⁵ Shallum pen Shaul’ tapa hi a, a tapa Mibsam, a tapa Mishma ahi hi.

²⁶ Mishma’ tapate: Hamuel pen a tapa ahi a, Zaccur a tapa hi-in Shimei a tapa ahi hi.

²⁷ Shimei in tapa sawm le guh le tanu guh nei hi; hinanle a sanggamte in ta tampi a nei sih vua, amau’ innkuon pen Judea-te bangin a pung sih uhi.

²⁸ Amate Beer-sheba, Moladah, Hazarshual

²⁹ Bilhah, Ezem, Tolad,

³⁰ Bethuel, Hormah, Ziklag,

³¹ Beth-marcaboth, Hazar-susim, Beth-biri, le Shaaraim ah a teng uhi. Tam teng pen David kumpi a suo masanga a khuopite uh ahi hi.

³² Tuale a khuoneute uh Etam, Ain, Rimmon, Tochen, le Ashan, khuopi ngate le,

³³ Baal cieng dong tam khuopite kimvela om khuoneute zosie tawh ahi hi. Tam teng pen amau’ tenna hi a, amate in khangsimna laibu a kem uhi.

³⁴ Meshobab, Jamlech, Amaziah’ tapa Joshash,

³⁵ Joel, Asiel’ tapa Seriah, a tapa Joshibiah, a tapa Jehu,

³⁶ Elioenai, Jaakobah, Jeshohaiah, Asaiah, Adiel, Jesimiel, Benaiah,

³⁷ Shemaiah’ tapa Shimri, a tapa Jedaiah, a tapa Allon, a tapa Shiphi’ tapa Ziza ahi uhi,

³⁸ a min tawh kilo tam mite pen amau’ innkuon cietah makaite ahi vua, amau’ be pen nahpitahin a khang uhi.

³⁹ A ganhonte uh’ neh ding lonona sui-in nisuona kuom panglam, Gedor lutna-ah khuol a zin vua,

⁴⁰ amate in tua munah lei hoi, lonona mun a mu vua, tua leitang pen gam tanzau, gamsip, le kilemna mun a hi hi; azieh pen khum sunga a teng masate pen Ham-te ahi uhi.

⁴¹ Judah kumpi Hezekiah’ hun sungin a min a kiciemte tam mite pei-in, amate in tua sunga a mu uh Meunim mite le amau’ puonbuhte simin tuni dongin amate a cigamsah vua, tua munah a tuuhonte uh neh ding lonona om ahi ziehin amau’ munah a teng uhi.

⁴² Tua ciengin amate kimkhat, Simeon-te mi zanga, Seir Muolah a pei vua, tuale amate in Ishi’ tapate Pelatiah, Neariah, Rephaiah, le Uzziel makai-in a nei uhi;

⁴³ amate in a suohta Amalek-te a omlai teng a susie vua, khum munah tuni dongin a teng uhi.