1 Khangthute 2 - Zo Bible

Israel’ Tapate le Judah’ Suonlehlahte

¹ Tam teng pen Israel’ tapate ahi uhi: Reuben, Simeon, Levi, Judah, Issachar, Zebulun,

² Dan, Joseph, Benjamin, Naphtali, Gad, le Asher.

³ Judah’ tapate: Er, Onan, le Shelah; tam teng thum pen Canaan numei Bath-shua tawh a nei ahi hi. Tu-in Topa muna-ah Judah’ tacil Er pen siet gamtat a, ama in tua pa that hi.

⁴ A monu Tamar in zong Perez le Zerah nei hi. Judah in a unpi-in tapa nga nei hi.

⁵ Perez’ tapate: Hezron le Hamul.

⁶ Zerah’ tapate: Zimri, Ethan, Heman, Calcol, le Dara, a unpi-un nga pha uhi.

⁷ Carmi’ tapate: Israel a subuoi, sil ki-apte vai-a a khiel, Israel Achar;

⁸ le Ethan’ tapa pen Azariah ahi hi.

⁹ Ama sung pana a suoh Hezron’ tapate: Jerahmeel, Ram, le Chelubai.

¹⁰ Ram pen Amminadab’ pa ahi a, Amminadab pen Judah tapate sung pan ulien Nahshon’ pa ahi hi.

¹¹ Nashon pen Salma’ pa, Salma pen Boaz’ pa,

¹² Boaz pen Obed’ pa, Obed pen Jessi’ pa ahi hi.

¹³ Jessi pen a tacil Eliab, a nina Abinadab, a thumna Shimea,

¹⁴ a lina Nethanel, a ngana Raddai,

¹⁵ a guhna Ozem, a sagina David’ pa ahi hi.

¹⁶ Amau’ sanggam numeite pen Zeruiah le Abigail ahi uhi.

¹⁷ Abigail in Amasa nei a, Amasa’ pa pen Ishmael-te Jether ahi hi.

¹⁸ Hezron’ tapa Caleb in a zi Azubah le Jerioth tawh ta nei hi; tam teng a tapate ahi uhi: Jesher, Shobab, le Ardon.

¹⁹ Azubah a si ciengin Caleb in Ephrath tenpi a, tua nu in ama tawh Hur nei hi.

²⁰ Hur pen Uri’ pa hi a, Uri pen Bezalel’ pa ahi hi.

²¹ Ama kum sawmguh a cin zaw ciengin Hezron in a tenpi Gilead’ pa Machir’ tanu a luppi hi; tuale ama in tua nu tawh Segub nei hi.

²² Segub pen Jair’ pa ahi a, ama in Gilead gam sungah khuopi sawmni le thum nei hi.

²³ Ahi vangin Geshur le Aram in amate tung panin Havvoth-jair, Kenath le a khuotate khuopi sawmguh a la hi.

²⁴ Hezron a si zaw ciengin Caleb-ephrathah ah Caleb in Hezron’ zi Abijah tawh Tekoa’ pa Ashhur nei hi.

²⁵ Hezron’ tacil Jerahmeel’ tapate: A tacil Ram, Bunah, Oren, Ozem, le Ahijah.

²⁶ Jerahmeel in zi dang khat zong nei a, a min Atarah ahi hi; tua nu Onam’ nu ahi hi.

²⁷ Jerahmeel’ tacil Ram’ tapate: Maaz, Jamin, le Eker.

²⁸ Onam’ tapate: Shammai le Jada. Shammai’ tapate: Nadab le Abishur.

²⁹ Abishur’ zi min Abihail ahi a, ama in ama tawh Ahban le Molid nei hi.

³⁰ Nadab’ tapate: Seled le Appaim ahi hi; ta nei loin Seled a si hi.

³¹ Appaim’ tapa: Ishi. Ishi’ tapa: Sheshan. Sheshan’ tapa: Ahlai.

³² Shammai’ sanggampa Jada’ tapate: Jether le Jonathan. Ta nei loin Jether a si hi.

³³ Jonathan’ tapate: Peleth le Zaza. Tam teng Jerahmeel’ suonlehlahte ahi uhi.

³⁴ Tu-in Shesan in tapa nei loin tanute beh nei hi; ahi vangin Sheshan in Egypt mi sila khat nei a, a min Jarha ahi hi.

³⁵ Tuaci’n Sheshan in a silapa Jarha tawh a tanu kinungsah hi; tua nu in ama tawh Attai nei hi.

³⁶ Attai pen Nathan’ pa hi a, Nathan pen Zabad’ pa ahi hi.

³⁷ Zabad pen Ephlal’ pa hi a, Ephlal pen Obed’ pa ahi hi.

³⁸ Obed pen Jehu’ pa hi a, Jehu pen Azariah’ pa ahi hi.

³⁹ Azariah pen Helez’ pa hi a, Helez pen Eleasah’ pa ahi hi.

⁴⁰ Eleash pen Sismai’ pa hi a, Sismai pen Shallum’ pa ahi hi.

⁴¹ Shallum pen Jekamiah’ pa hi a, tuale Jekamaih pen Elishama’ pa ahi hi.

⁴² Jerahmeel’ sanggampa Caleb’ tapate: A tacil Mesha hi a, ama Ziph’ pa ahi hi. Mareshah’ tapa Hebron ahi hi.

⁴³ Hebron’ tapate: Korah, Tappuah, Rekem, le Shema.

⁴⁴ Shema pen Raham’ pa ahi a, Raham pen Jorkeam’ pa ahi hi; tuale Rekem pen Shammai’ pa ahi hi.

⁴⁵ Shammai’ tapate: Maon. Moan pen Beth-zur’ pa ahi hi.

⁴⁶ Caleb’ meinu Ephah in zong Haran, Moza, le Gezez-te nei hi; tuale Haran pen Gazez’ pa ahi hi.

⁴⁷ Jahdai’ tapate: Regem, Jotham, Geshan, Pelet, Ephah, le Shaaph.

⁴⁸ Caleb’ meinu Maacah in Sheber le Tirhanah nei hi.

⁴⁹ Tua nu in Madmannah’ pa Shaaph, Macbenah’ pa Sheva, le Gibea zong nei hi; tuale Caleb’ tanu pen Achsah ahi hi.

⁵⁰ Tam teng pen Caleb’ suonlehlahte ahi uhi. Ephrathah’ tacil Hur’ tapate: Kiriath-jearim’ pa Shobal,

⁵¹ Bethlehem’ pa Salma le Beth-gader’ pa Hareph.

⁵² Kiriath-jearim’ pa Shobal in tapa dangte nei hi: Haroeh, Menuhoth-te a langkhat.

⁵³ Kiriath-jearim innkuonte: Ithri-te, Puth-te, Shumath-te, le Mishrai-te; tam teng sung panin Zorah-te le Eshtaol-te pieng hi.

⁵⁴ Salma’ tapate: Bethlehem, Netophah-te, Atroth-bethjoab-te, le Zor-te ahi Manahath minam ni sung pan alang.

⁵⁵ Jabez-a teng laithei innkuonte: Tirath-te, Shimeath-te, le Sucath-te. Tam teng pen Hamath pana pei Rechab innkuonte’ pa Ken-te ahi uhi.