The Psalms 15 - Zotung Bible 2016

Beikinnthyaa kya Hummou Um Cih?

David Hlaw

¹ Pou Bawipaw , hummou na bu thyaapaw kya a um cih? Hummou na mua thyaapaw vawlan a um cih?

² Ccaenaw um lei lante hiin zah, ahmepaw kha a cyihpaw, a thinlung kya-e byaccingpaw kha a hopaw,

³ a munglae te ccungccaw thethya a ho leipaw, a ruiban hae tungvaw hoyleinaw a rae leipaw, a innpaw hae kha the a thyasah leipaw,

⁴ ccungccaw hoy leipaw kha pawlangria leipaw, thuasalama Bawipaw raw a rih hae paw kha saw a tuapaw, vawsaw a tung zemah a byakinnaw a tynsahpaw,

⁵ phua ato te a koiisakuh leipaw, seinaw a hoi leipaw kha rawsete pyaruh a lawkuh leipaw, hynh-e uccaw hae a cyihpaw ccungccaw tuh khuliakuh lan khyh.