HOSEA 3 - Zotung Bible 2016

Hosea te A Lungzi leipaw Nopi

¹ Bawipaw nynh kae kha, “Israel hae nynh ccangpaw pachia hae kalan maekute misu thae aroupaw te raepaw sanlou kha a ry hae zemah, Bawipaw nynh minmin kha a sungsah mamin hae hawte, la cceih lah, vawpaw mang a hoi pite a ohhuakuhnung nopinung kha la sungsah tua,” cite bua yn hopya.

² Tukeiccuze ngun shekel haw lae pangaw, barli homer ccangkheit te misutui ling kheit khate tuh-e nopinung kha ka re.

³ Te kae nynh amaw kha, “Ka ccungccaw lante nin patae na um cih; na ohhuakuh lan khyh, pise te na ihkheih lan khyh oh, kae te mah ikheih lei lan,” ka cipya.

⁴ Pawccecize Israel hae tuh siapharan, uktu bawi, silawnaw, athyaapaw tung, ranpibawi angki te terafim zohtuh kha hoi leite nin patae a um cih hae.

⁵ Tukoute Israel hae tuh a ki cih hae zah Bawipaw mih Pachia te mih siapharanpaw David kha a ccung cih hae; nyalang ccyh kya tuh Bawipaw hoynaw kha mue khylan amaw kalan sawtuate a cceih cih hae.