GENESIS 5 - Zotung Bible 2016

Adam Ciihan

¹ Hynh-e hynh Adam ciihan ccazing nynh thua. Pachia nynh ccungccaw kha he a rae tuh minmin kha amaw te a lokuh lante a rae.

² Pise te nopi kha a rae, te hythuapya hae zah minmin a rae nin hae khe “Ccungccaw” cite min a phu hae.

³ Adam tuh kum za kheit sung thum he cih tuh amaw muinsan te a lokuh lante ccapaw lu kheit saah zah Seth cite min a phu.

⁴ Seth a pui koute Adam tuh kum za tarya hiin zah ccangpaw ccapaw hae te ccanung hae kha mah a saah hae.

⁵ Adam tuh kum za takua sung thum acih te a chih.

⁶ Seth nynh za kheit kum pangaw acih te Enosh kha a saah.

⁷ Enosh a pui koute Seth tuh kum za tarya kum sari hiin zah ccangpaw ccapaw hae te ccanung hae kha mah a saah hae.

⁸ Seth tuh za takua kum haw lae ning acih te a chih.

⁹ Enosh nynh kum sung takua acih te Kenan kha a saah.

¹⁰ Kenan a pui koute Enosh tuh za tarya kum haw lae pangaw hiin zah ccangpaw ccapaw hae te ccanung hae mah a saah hae.

¹¹ Enosh tuh za takua kum pangaw acih te a chih.

¹² Kenan nynh kum sung sari acih te Mahalalel kha a saah.

¹³ Mahalalel a pui koute Kenan tuh kum za tarya sung pali hiin zah ccangpaw ccapaw hae te ccanung hae kha mah a saah hae.

¹⁴ Kenan tuh za takua kum haw acih te a chih.

¹⁵ Mahalalel tuh sung taruh kum pangaw acih te Jared kha a saah.

¹⁶ Jared a pui koute Mahalalel tuh kum za tarya sung thum hiin zah ccangpaw ccapaw hae te ccanung hae mah a saah hae.

¹⁷ Mahalalel tuh za tarya sung takua kum pangaw acih te a chih.

¹⁸ Jared tuh za kheit sung taruh kum ning acih te Enok kha a saah.

¹⁹ Enok a pui koute Jared tuh kum za tarya hiin zah ccangpaw ccapaw hae te ccanung hae kha mah a saah hae.

²⁰ Jared tuh za takua sung taruh kum ning acih te a chih.

²¹ Enok nynh sung taruh kum pangaw acih te Methuselah kha a saah.

²² Methuselah a pui koute Enok tuh kum za thum lungkhu Pachia te a mungkuh hae; te ccangpaw ccapaw hae te ccanung hae kha mah a saah hae.

²³ Enok tuh za thum sung taruh kum pangaw cia a hiin.

²⁴ Enok tuh Pachia te a cceihkheih hae; te aning tuh um vae khyh, pawccecize Pachia nynh aning kha a law vae.

²⁵ Methuselah nynh za kheit sung tarya kum sari acih te Lamek kha a saah.

²⁶ Lamek a pui koute Methuselah tuh za sari sung tarya kum ning hiin zah ccangpaw ccapaw hae te ccanung hae mah a saah.

²⁷ Methuselah tuh za takua sung taruh kum takua acih te a chih.

²⁸ Lamek nynh za kheit sung tarya kum ning acih te ccapaw lu kheit a saah;

²⁹ Lamek nynh, “Bawipaw nynh thya a lawpaw laephi kya-e ah ryalaw te ah kuih te lawpaw ryalaw rupaw kyate hynh-e paw nynh thawdangnaw yn pya cih,” cih zah a min tuh Noah cite a phu.

³⁰ Noah a pui koute Lamek tuh za pangaw sung takua kum pangaw hiin zah ccangpaw ccapaw hae te ccanung hae kha mah a saah hae.

³¹ Lamek tuh za sari sung sari kum sari acih te a chih.

³² Noah tuh kum za pangaw acih te Shem, Ham te Jafeth kha a saah hae.