GENESIS 36 - Zotung Bible 2016

Esau Ciihan hae

¹ Edom cikuhpaw Esau ciihan tuh hynh-e hae nynh thua hae.

² Esau nynh Kanaan minphuin hae kha zu lang a dyku hae, tuh-e hae tuh: Hit ccungccaw Elon ccanung Adah, Hiv minphuinpaw Zibeon ccapaw Anah ccanung Oholibamah,

³ te Ishmael ccanung Basemath nynh thua hae; Basemath tuh Nebaioth a ccianung nynh thua.

⁴ Adah nynh Esau hanlan Elifaz kha saahpah zah Basemath nynh Reuel kha a saahpya;

⁵ te Oholibamah nynh Jeush, Jalam te Korah kha a saahpya hae. E hae tuh Kanaan ram kya a puipaw Esau ccapaw hae nynh thua hae.

⁶ Oute Esau nynh a zu hae, a ccapaw hae, a ccanung hae, a innbyn balyn, a sahiin hae, a sahiin-awvaw balyn te Kanaan ram kya a hoipaw sisua balyn kha lah zah a neitawpaw Jakob kyate asawnaw ram langkhe a nuekuh.

⁷ Pawccecize mih hoirumnaw tuh eih lung kaesy zah pynkheihlan um kho vae khyh hae; mih sahiin-awvaw hae keiccuze a umnaw hae ram nynh minmin hanlan zaw vae khyh.

⁸ Tukeiccuze Esau tuh mua alungnaw Seir ram kya khua a sah; Esau tuh Edom nynh thua.

⁹ E hae tuh mua alungnaw Seir ram kya umpaw Edom minphuin hae mih paaw Esau ciihan nynh thua hae.

¹⁰ E hae tuh Esau ccapaw hae mih min nynh thua: Esau a zu Adah ccapaw Elifaz; te Esau a zu Basemath ccapaw Reuel nynh thua.

¹¹ Elifaz ccapaw hae tuh Teman, Omar, Zefo, Gatam te Kenaz nynh thua hae.

¹² (Timna tuh Esau ccapaw Elifaz a lovaenung thua zah aning nynh Elifaz hanlan Amalek kha a saahpya.) E hae tuh Esau a zu Adah ccapaw hae nynh thua hae.

¹³ Reuel ccapaw hae tuh: Nahath, Zerah, Shammah te Mizzah nynh thua hae. E hae hynh Esau a zu Basemath ccapaw hae nynh thua hae.

¹⁴ Esau zu Oholibamah ccapaw hae tuh Jeush, Jalam te Korah nynh thua hae. Oholibamah tuh Zibeon ccapaw Anah a ccanung nynh thua.

¹⁵ E hae tuh Esau ccapaw hae lakuze ciihan paaw hae nynh thua hae. Esau a ccatawccaw Elifaz ciihan hae kyaze ciihan paaw hae tuh Teman, Omar, Zefo, Kenaz,

¹⁶ Korah, Gatam te Amalek nynh thua hae. E hae tuh Edom ram umpaw Elifaz ciihan hae lakuze ciihan paaw nynh thua hae; minmin tuh Adah ccapaw hae nynh thua hae.

¹⁷ E hae tuh Esau ccapaw Reuel a ccapaw hae nynh thua hae, minmin lakuze ciihan paaw hae tuh: Nahath, Zerah, Shammah te Mizzah nynh thua hae; e hae tuh Edom ram kya umpaw Reuel ciihan hae lakuze bawi nynh thua hae; minmin tuh Esau zu Basemath a ccapaw hae nynh thua hae.

¹⁸ E hae tuh Esau zu Oholibamah ccapaw hae nynh thua hae: ciihan paaw hae tuh Jeush, Jalam te Korah nynh thua hae; e hae tuh Anah ccanung, Esau zu Oholibamah nynh a saah hae paw ciihan paaw hae nynh thua hae.

¹⁹ E hae tuh Esau a cikuhpaw Edom ccapaw hae thua hae zah bawi hae mah a thua hae.

²⁰ Tuin ram kya umpaw Hor minphuin a thuapaw Seir ccapaw hae tuh Lotan, Shobal, Zibeon, Anah,

²¹ Dishon, Ezer te Dishan nynh thua hae; e hae tuh Hor minphuin kyaze ciihan paaw hae thua hae zah Edom ram umpaw Seir a ccapaw hae nynh thua hae.

²² Lotan ccapaw hae tuh Hori te Heman nynh thua hae; Timna tuh Lotan ccianung nynh thua.

²³ Shobal ccapaw hae tuh: Alvan, Manahath, Ebal, Shefo te Onam nynh thua hae.

²⁴ Zibeon ccapaw hae tuh Aiah te Anah nynh thua hae; Anah tuh a paaw Zebeon kya-e lann hae kha ramkaw kya a rin lyaze tuidy a muihtupaw nynh thua.

²⁵ Anah a ccapaw tuh Dishon thua zah Anah a ccanung tuh Oholibamah nynh thua.

²⁶ Dishon ccapaw hae tuh Hemdan, Eshban, Ithran te Kheran nynh thua hae.

²⁷ Ezer ccapaw hae tuh Bilhan, Zaavan te Akan nynh thua hae.

²⁸ Dishan ccapaw hae tuh Uz te Aran nynh thua hae.

²⁹ Hor minphuin kya-e ciihan paaw hae tuh Lotan, Shobal, Zebeon, Anah,

³⁰ Dishon, Ezer, te Dishan nynh thua hae; e hae tuh mua alungnaw Seir ram kyaze mimaw phin raveihte Hor ccungccaw hae kya-e ciihan paaw hae nynh thua hae.

Edom Siapharan hae

³¹ Israel ccungccaw hae a uktupaw siapharan humhung mah a um mawze, e hae tuh Edom ram a uk hae paw siapharan hae nynh thua hae.

³² Beor ccapaw Bela nynh Edom ram kha a uk, a khua min tuh Dinhabah nynh thua.

³³ Bela he chih te, Bozrah khuapaw Zerah ccapaw Jobab nynh siapharan lang a tang.

³⁴ Jobab he chih te, Teman minphuin hae ram umpaw Husham nynh siapharan lang a tang.

³⁵ Husham he chih te, Moab ram e Midian hae a la taepaw Bedad ccapaw Hadad nynh siapharan lang a tang, a khua min tuh Avith nynh thua.

³⁶ Hadad he chih te, Masrekah khuapaw Samlah nynh siapharan lang a tang.

³⁷ Samlah he chih te, Zufrates vaw kin umpaw Rehoboth khua kya-e Shaul nynh siapharan lang a tang.

³⁸ Shaul he chih te, Akbor ccapaw Baalhanan nynh siapharan lang a tang.

³⁹ Akbor ccapaw Baalhanan he chih te, Hadar nynh siapharan lang a tang, a khua min tuh Pau nynh thua, a zu min tuh Mehetabel cikuh zah Matred ccanung nynh thua, Matred tuh Mezahab ccanung nynh thua.

⁴⁰ E hae tuh Esau ciihan hae kyaze ciihan paaw thua hae zah mih phin raveihte mih umnaw raveihte mih min nynh thua hae: Timna, Alvah, Jetheth,

⁴¹ Oholibamah, Elah, Pinon,

⁴² Kenaz, Teman, Mibzar,

⁴³ Magdiel te Iram; e hae tuh Edom ciihan paaw hae nynh thua hae, mih ram kyaze khua a la sahnaw hae raveihte nynh thua (Esau tuh Edom ccungccaw hae mih paaw nynh thua).