Salmos 6 - Didza' cubi rucá'ana tsahui'

¹ Bitiʼ uzenuʼ bach nedaʼ lu yöl-laʼ rilé quiuʼ, Xan. Bitiʼ gunuʼ nedaʼ xiguiaʼ lu yöl-laʼ ridzáʼa quiuʼ.

² Buéchiʼ ladxiʼ nedaʼ, Xan, tuʼ rudú ládxaʼa. Bun nedaʼ, Xan, tuʼ riguíʼi rizácaʼa.

³ Röʼö böniga idútë le nacaʼ. ¿Gácaʼxte caz gaca caní, Xan?

⁴ Gudá dusölóʼ nedaʼ, Xan. Tuʼ nadxíʼinuʼ nedaʼ, busölá nedaʼ lu yöl-laʼ guti.

⁵ Lu lataj chul-la cuntu nu tsöjné Liʼ. Cuntu nu zoa niʼ nu gaca cuʼu Liʼ yöl-laʼ ba.

⁶ Rudú ládxaʼa tuʼ rinnë́ticaʼsö ládxaʼa. Yuguʼ dzöʼ ribisa le rátiʼdaʼ len nisa ribödxi quiaʼ. Rusubisaʼ xcúguaʼ len nisa ribödxi quiaʼ.

⁷ Röʼö gui guiö́j lahuaʼ tuʼ ribö́dxiticaʼsaʼ. Bitiʼ gaca iléʼedaʼ tuʼ nö́zigaca nupa tuʼdíʼi nedaʼ.

⁸ Guliʼcuíta ga zoaʼ, libíʼiliʼ, ruáʼaliʼ döʼ, tuʼ riyönnëʼ Xanruʼ ribödxaʼ nedaʼ.

⁹ Ruzë́ naguëʼ le rulidzaʼ, rátaʼyuaʼ lahuëʼ, en rubiʼë didzaʼ cateʼ bi rinábidaʼ Lëʼ.

¹⁰ Uluʼtuíʼi nupa tuʼdíʼi nedaʼ, en ilaʼbö́ʼ böniga. Lu yöl-laʼ rutuíʼi quéguequi uluʼbigaʼ ga zoaʼ.