Salmos 150 - Didza' cubi rucá'ana tsahui'

¹ ¡Guliʼcuʼë yöl-laʼ ba Xanruʼ! ¡Guliʼcuʼë yöl-laʼ ba Dios lu lataj láʼayi queëʼ! ¡Guliʼcuʼë yöl-laʼ ba ga dëdaʼ lataj queëʼ!

² ¡Guliʼcuʼë yöl-laʼ ba ca nácagaca le zxön nunëʼ! ¡Guliʼcuʼë yöl-laʼ ba ca naca yöl-laʼ zxön queëʼ!

³ ¡Guliʼcuʼë yöl-laʼ ba, ucö́dxiliʼ lúzugacabaʼ chivo! ¡Guliʼcuʼë yöl-laʼ ba, quínniliʼ lë́ʼegaca bihuël-la caʼ!

⁴ ¡Guliʼcuʼë yöl-laʼ ba, cápaʼliʼ lëʼe guídi, en uyaʼaliʼ! ¡Guliʼcuʼë yöl-laʼ ba, quínniliʼ lë́ʼegaca bihuël-la, en ucö́dxiliʼ gui!

⁵ ¡Guliʼcuʼë yöl-laʼ ba, utíl-laliʼ guíë lëʼe luzë́ʼe! ¡Guliʼcuʼë yöl-laʼ ba, utíl-laliʼ guíë zxön lëʼe luzë́ʼe!

⁶ ¡Guliʼcuʼë yöl-laʼ ba Xanruʼ, tscaliʼ rizíʼiliʼ böʼ! ¡Guliʼcuʼë yöl-laʼ ba Xanruʼ!