Salmos 142 - Didza' cubi rucá'ana tsahui'

¹ Rulidzaʼ-nëʼ Xanruʼ, ruʼa zidzaj didzaʼ. Rátaʼyuaʼ lahuëʼ Xanruʼ uzáʼ ládxëʼë quiaʼ.

² Rudödaʼ lahuëʼ yöl-laʼ rinaba yudxi quiaʼ, en rusiyöndaʼ Lëʼ le rácagaca quiaʼ.

³ Cateʼ budú ládxaʼa, gunözi quézinuʼ Liʼ le guca quiaʼ. Laʼ nöza ga ridáʼ nedaʼ buluʼcachiʼ le sön nedaʼ.

⁴ Buyú cuitaʼ ibëla tuʼ cuntu nu zoa nu ruíʼi ladxiʼ nedaʼ. Bitiʼ bi zoa le gácalen nedaʼ. Cuntu nu run chiʼi böʼ naca cazaʼ.

⁵ Gurö́dxiʼa loʼ Liʼ, Xan, gunníaʼ: Run chiʼi cazuʼ nedaʼ Liʼ, en naca cazuʼ Nu rácalen nedaʼ ladaj nupa nabángaca.

⁶ Ruzë́ naguʼ le rulidzaʼ Liʼ, tuʼ nagáʼanaʼ cáʼasö. Busölá nedaʼ lu náʼagaca nupa taʼzóa reguʼ nedaʼ, tuʼ nácatërögaca nál-la ca nedaʼ.

⁷ Guléaj böʼ naca cazaʼ lu yuʼu lidxi guíë, para gaca guíaʼ Liʼ: “Xclenuʼ” tuʼ rulidzaʼ Loʼ. Nupa nácagaca tsahuiʼ uluʼdubi idú gásibiʼilö ga zoaʼ, tuʼ gunnuʼ sizxöni quiaʼ le riquindaʼ.