Salmos 14 - Didza' cubi rucá'ana tsahui'

¹ Lu icja ládxiʼdaʼahuëʼ rnnëʼ bönniʼ tuʼ canö́z, rnnëʼ: Bitiʼ zoa caz Dios. Nachixi nanítigaquiëʼ bönniʼ caní, en tunëʼ le cabí riléʼenëʼ dxiʼa Dios. Cuntu nu zoa nu run le naca dxiʼa.

² Ga zoëʼ Dios yehuaʼ yubá buyúëʼ luyú ni ga nacuáʼ bönachi para iléʼenëʼ channö zoa nu réajniʼi, nu naʼ riguilaj Dios.

³ Yúguʼtëʼ nadö́digaquiëʼ tsöláʼalö. Nachixi nanítigaquiëʼ tu tuëʼ. Cuntu nu zoa nu run le naca dxiʼa, nitú bönachi.

⁴ ¿Naruʼ cabí taʼyéajniʼi nupa tuáʼ döʼ? Le tun nupa naʼ naca tsca tagu bönachi quiaʼ ca nu ragu yöta. Bitiʼ caʼ tuʼlidza nedaʼ, Xángaca bönachi.

⁵ Lu yöl-laʼ radxi ridzöbi quéguequi taʼzxizi tuʼ taʼléʼe Xanruʼ Dios, en zóalenëʼ bönachi tsahuiʼ.

⁶ Tuʼtitaj xtídzaʼgaca nupa nácagaca yechiʼ, pero nupa ni tuʼzxöni ladxiʼ gácalenëʼ Xanruʼ léguequi.

⁷ Raca ládxaʼa irúaj Sión Nu usölá bönachi Israel. Cateʼ gunëʼ Xanruʼ ga uluʼdxín bönachi queëʼ nadzúngaca xilátjaguequi, uluʼdzeja zxíʼini xiʼsóëʼ Jacob, bönachi Israel, en uluʼzíʼ xibë́ʼ Dios.