Salmos 11 - Didza' cubi rucá'ana tsahui'

¹ Ruzxöni ládxaʼa Xanruʼ gácalenëʼ nedaʼ. ¿Naruʼ guíëtsoʼ nedaʼ: “Buzxúnnaj lu guíʼa ca runbaʼ biguínnidoʼ”?

² Buyútsöcaʼ, zö́ngaca nupa tuáʼ döʼ yaga uxitiʼ. Nuzóagaca yágadoʼ lahui tuchiʼ lu du rusé, para ilútiëʼ bagáchiʼsö nupa nácagaca dxiʼa.

³ Channö ilaʼguínnaj yuguʼ le tuʼzóa tsutsu le naca dxiʼa, ¿bizxi caz gaca gun nu naca tsahuiʼ?

⁴ ¡Zoa cazëʼ Xanruʼ yudoʼ láʼayi queëʼ! Yehuaʼ yubá zoa ga röʼë rinná bëʼë Xanruʼ Dios. Riléʼe guiö́j lahuëʼ para uyúëʼ le tun bönachi.

⁵ Rizíʼ bëʼë Xanruʼ nu naca tsahuiʼ. Bitiʼ riléʼenëʼ dxiʼa nu ruáʼ döʼ, en nu raza ladxiʼ taʼdáʼbagaʼ yúlahuiʼ.

⁶ Gunëʼ ga sácaʼgaca nupa tuáʼ döʼ le usuniti léguequi. Ubiʼë quéguequi guíʼ, en le ruquélaʼ guíʼ, en tu böʼ régui.

⁷ Caní gunëʼ Xanruʼ tuʼ náquiëʼ tsahuiʼ, en nadxíʼinëʼ le naca tsahuiʼ. Nupa tun le nácatë ilaʼléʼe lahuëʼ.