Salmos 100 - Didza' cubi rucá'ana tsahui'

¹ ¡Lu yöl-laʼ rudzeja queë́liʼ guliʼgul-la queëʼ Xanruʼ, libíʼiliʼ zóaliʼ idútë yödzölió!

² ¡Lu yöl-laʼ rudzeja queë́liʼ guliʼcuʼë yöl-laʼ ba Xanruʼ! ¡Guliʼdá lahuëʼ Lëʼ, en lu yöl-laʼ rudzeja queë́liʼ guliʼgul-la queëʼ!

³ ¡Guliʼtsöjné Xanruʼ, náquiëʼ Dios! Buzáʼ cazëʼ rëʼu, en calëga rácasö queë́ruʼ zóaruʼ. Nácaruʼ bönachi queëʼ, en nácaruʼ ca böʼcuʼ zxilaʼ queëʼ.

⁴ Guliʼtsaza zacaʼ raʼ yuʼu queëʼ, guië́liʼ-nëʼ: “Xclenuʼ.” Guliʼtsaza gapa naca löʼa queëʼ, cúʼuliʼ-nëʼ yöl-laʼ ba. Guliʼguíëʼ: “Xclenuʼ”, en guliʼgunëʼ zxön.

⁵ ¡Náquiëʼ dxiʼa tsahuiʼ Xanruʼ Dios, ateʼ zóaticaʼsö yöl-laʼ dxiʼi ladxiʼ queëʼ! ¡Zóaticaʼsö yöl-laʼ run ca rnna xtídzëʼë queëʼ!