Yook 99 - Yomgkom

¹ Yariman kuu oone doreen kowe, ambibkin mimimdan kuu une kiringmime. Ye kuu engyus burawiib yi kidangkambed king ye dibere oonimbon ari dibeen kowe, okad kuu kiringmuk.

² Saiyon aom kuu Yariman yaningko kuu darewoob arimbed, kwane ye kuu darewoob arimbed, ambibkin korem arebban.

³ Yi kuu ye aningko darewoob arimbed manimanandewiib kankoonime, ye kuu karadmo kowe.

⁴ King kuu aromkonoman, ye kuu anammo wengyundi yaa dowaken darewoob kerunoon. O King, ebbed konomdangmo ye kerekmen ongmewen, Yekob ye awoya ari kuyaom kuu anammo wengyundeneb yorokmo kamenabewen.

⁵ Yariman nub God ye aningko kankoonime, ye yon kiriboon yirimbed ye yaa bumangke yaningko kankoonime, ye kuu karadmo kowe.

⁶ Moses yoom Eeron yoom kuu God dore Yuudan dore wedyiri dobiridan kuyaom kuu yiyiib. Samuel yangkon God yaa baandimaibdan kuyaom kuu yeyiib. Yi kuu Yariman yaa baandiiwe yi yaa inandundoon.

⁷ Yembed wiib dodkono areb doreen aombed yi yaa daandoon, kwane yembed komo kamoon ye wengiib amob weng ongmooniib kuu kondoone awine ooniwen.

⁸ O Yariman nub God, ebbed yi yaa inandundewen. Eb kuu Israeldan yi arewa kamenabi yaa ukum kowimaab kuned, eb kuu yi ambarakmi are nonondandi ye God.

⁹ Yariman nub God yaningko kankoonenib ye aangko karadmo arimbed ye yaa bumangke yaningko kankoonime, amborom kuu Yariman nub God kuu karadmo kowe.