Yook 87 - Yomgkom

Korah ye karub dana meedbed wongkiwen. Yook, God yaningko kankooni ye yook kui.

¹ Ye siti yenboon ye ambokab kuu aangko aangko karadmo arimbed kii.

² Yariman kuu Saiyon ye siti ye kuuk ambongkombon korem yaa mimyob dowaken kowimaan, Yekob ye awoya ari korem yi ambib yaa arebban.

³ O God ye siti, kub dowad weng amun manimanandewiib dakmimaib. Selah

⁴ “Idyipdan yoom Babilondan yoom kuu ne yaa anam andaniib kowe, ne karuwa nimaya andaniin. Filistiadaniib Taiyadaniib Kusdaniib kangkon ‘Yi kambong anam kuu Saiyon.’ ande yedmaniin.” ande yedmoon.

⁵ Anamaa, Saiyon yu dowad kwamune yedmaniib, “Nimakarub keyiiwa yakuyiib kuu yu aombed wooniwen, kwane Korem Burudandoon Arimbed ye God kuu yekareb kumbed yu yaa yumbon kondaneene doberembaranuun.” andaniib.

⁶ Yarimanbed kwane nimakarub korem yi aningko wongkaneen ye buk aom kuu, “Ye kee Saiyon aombed wooneen.” ande wongkaneen. Selah

⁷ Yi kuu kube andenabe yook wingkane “Nub yaa amun kerundi korem kuu eb yaambed meneboon.” ande kamaniib.