Yook 47 - Yomgkom

Yook ambo bi ye karub yeman. Yook kuu Korah ye awoyambed wongkiwen.

¹ Ambibkin koremdan, yiib dingki wangkime, God yaa kubiyiibbed baandime.

² Amborom kuu Korem Burudandoon Arimbed Ye Yariman kuyaa kuu unime andi yeman, ye kuu King miin darewoob arimbed okad korem oonimaan kui.

³ Yembed ambibkin maa maa ben nub ooni dabderem yiri keroon, yi kuu nub yon dabderem yiri ben nongkoboon.

⁴ Yembed nub yumbon kuu nub dowad kine kowoon, kukuu nub okad kui, kuyaa kuu Godbed mimyob dowaken keenoonman Yekobbed kerengkan keroon. Selah

⁵ God kuu kube komkimaib ye kidangkambed daanoon, ku Yariman kui, ye kuu kibi komkimaib kumbed daanoon.

⁶ God yaa ye aningko kankooni yook wingkime, kuye yook wingkime, nub King yaa ye aningko kankooni yook wingkime, kuye yook wingkime.

⁷ Kedi, God kuu okad kumundin ye king, ye yaa yook kangdommombed ye aningko kankoone wingkime.

⁸ Godbed ambibkin korem kuu oonimaan, God kuu ye dibere oonimbon karadmo arimbed dibeen.

⁹ Ambibkindan yi korok korok kuu Abraham ye God ye nimakarub yoom nedbimaib, amborom kuu okad yiridan yaa oonidan kuu God yeman kowe, ye yaa darewoobmo aningko kankooni yeman.