Yook 4 - Yomgkom

Yook ambo bi ye karub yeman. Nongbed wangki yemaniib. Dewid ye yook.

¹ O ne nen koromone dorondandi ye God, eb yaa baandaka inanduwe. Ne dabab aom wanaan kuu ebbed awawi kawewen. Kowe, ne yaa mimyob keeweneb ne kurikuri wengambere.

² O karuwa nimaya, yiib kuu aron komoyiibbed naningko nambiriyiib yaa damangkawembaraniib? Yiib kuu aron komoyiibbed idiibban yeman yaa dowakeniib kerenib iranmi yeman yaa onmembaraniib? Selah

³ Kumban kaadkerime! Yariman kuu ye kiwaan arimo doriibdan kuu ben yeka ye dowad angkara nongkoboon. Kowe, nembed Yariman yaa baandaniin kuu wengamberewaneen.

⁴ Uniyiib kiringmime, ambarakmaib. Yiib angkimbon ari angkibka, yiib mimyob aom andangke darobe iwari kerime. Selah

⁵ Yorokmo ye munob koni yeman konime, Yariman yaamo angkumone dobirime.

⁶ Nimakarub yemoonbed yedmimaib, “Kanembed nub yaa amun kerundaneen? Dowan!” andimaib. O Yariman, eb murubia ye nambiri kuu nub yaa nambere yurok.

⁷ Ne niindem aom kuu ebbed kubi darewoob onduknewewen. Kuu yimbed animan id yemoon ire wanabe wain ok yemoon ongmenib kubimaib kuu burudande arimbed kawewen.

⁸ Ne yiri angkimain kuu yewenubmo unuk angkimain, amborom kuu o Yariman, ebbedmo ne nen kangkurudmo kebene oonewimaab.