Yook 23 - Yomgkom

Dewid ye yook.

¹ Yariman kuu ne nen dorondare oonimaan ye karub kowe, ne yaa komo dowan keroon kuu yembed nekwawimaan.

² Yembed ne nen animan yewudmombon aom kowaana yiidkimain, kwane yembed yewenub ye ok dewenebuun kebed yaa ne nen kinban winimaan.

³ Yembed ne kingkin nen ikakman aromnimaan, kwane yorokmo ye kiwaan arimo ne nen kinban winimaan, ye aningko kankooni dowad.

⁴ Kumun doromod bobnin aom wananiin kangkon, eb kuu ne yoom kowe, arewa yaa ma unainban. Eb kungkangiib arud ye barang yaambed dorondandi yemaniib kuu, awawimaib kowe kubimain.

⁵ Eb kuu ne bondan yi kerebiri arimbed ne dowad orok ongmimaab. Ne nen kine ne korok ari kuu oiyo bunewen, kwane ne dobiri yaa kuu yiminmo bangkawimaab.

⁶ Anam kuu eb amun amuniib womoniyiibban ye mimyob dowakeniib kuu ne wad dobiri aom kwane aron korem angkimbaraneen. b Kwane, ne kuu Yariman yambiwoom kwane doberembaraniin, aron korem.