Yook 150 - Yomgkom

¹ Yariman ye aningko kankoonime! God kuu ye karadmo dobirimbon aombed doreen kuye aningko kankoonime. Ye kuu mindong yi dangimbon aromkonoyiib arimbed doreen kuye aningko kankoonime.

² Ye kamenabi aromkonoyiib ye dowad ye aningko kankoonime. Ye kuu korem burudande darewoob arimbed kowe ye aningko kankoonime.

³ Kibi baandenib ye aningko kankoonime. Haawiib laiyayiib wangkenib ye aningko kankoonime.

⁴ Tamborin wangke andenib ye aningko kankoonime. Nongbed wangki yeman wangkanabe yurin wurumenib ye aningko kankoonime.

⁵ Kuweng darewoob ye simbal wangkanabenib ye aningko kankoonime. Kuweng wenebi ye simbal wangkanabenib ye aningko kankoonime.

⁶ Inum nimaib ye dingkaniib nimakaruwiib kuu Yariman ye aningko kankoonime. Yariman ye aningko kankoonime!