Yook 128 - Yomgkom

Daane kawini ye yook.

¹ Yariman yaa unimaibdan korem kuu amun kerundoon, ye kiwaan ari weniibdan kui.

² Yiib kuu deme awiniwen ye id kuu yiibka ananiib, kwane yiib kuu amun kerundaneene yiminmo dobaraniib.

³ Eb wonong kuu wain nong areb id yemoon irimaun, eb ambiwoom kuu. Kwane eb dana meed kuu olif maad areb yemoonmo kainaniib, eb arakbon kebed yaa kuu.

⁴ Kedi, Yariman yaa unimaan ye karub kuu kwamunemo amun kerunaneen.

⁵ Yariman kuu Saiyon angkambed amun kerubdok. Eb wad dobaraneeb ye aronki korem kuu wedmebko Yerusalemdan yiminmo dobiriyiib kerok.

⁶ Anamaa, eb dana meed yi dana meed wedmaneeb kuu anam id kerok. Israel aom kuu iwari yewenuwiib kerok.