Yook 126 - Yomgkom

Daane kawini ye yook.

¹ Nub kuu bondanbed benwiniwen kumbed Yarimanbed ikakman Saiyon yaa benmonoon kuu, nub kuu kiyuum wanabemoon areb kamuwen.

² Kedi, nub mongkod aom kuu ambonbed diiroon, kwane nub ong ari kuu kubi yookmo wingkanabuwen. Kwane ambibkin yenadanbed dakmiwen, “Yarimanbed yi yaa kuu kamenabi miin dareb dareb ambangkanaboon kii.” andiwen.

³ Ee, Yarimanbed nub yaa kuu kamenabi miin dareb dareb ambangkanaboon kowe, nub kuu kubimo keruwen kii.

⁴ O Yariman, nub karubkim bondanbed benwiniwendan yena kangkon benmene. Amiibban ye amboon kiri am menenu ok kirodmo wenebimaun areb yi kuu benmenebko kirodmo menebime.

⁵ Kaneya yi kuu kab kibenib inok wandaniib kuu, yi kuu kube baandenib id wandaniib.

⁶ Kane ye kuu kibingki dowad yob benwenene inok wandimaan kuu, ye kuu kube baandene id wande andedme ben minimaan keraneen.