Yook 124 - Yomgkom

Daane kawini ye yook Dewidbed wongkoon.

¹ Israeldan kuu kekane yedmime, “Yariman kuu nub kerekmen yaamban karen.” andime.

² Kedi, kekane yedmime, “Karub kuu nub yaa bon keriwen kumbed Yariman kuu nub kerekmen yaamban karen,

³ yimbed nub kuu wad ben anukmungkemoon areb keriwen karen, yimbed nub yaa norin wandiwen kuyaron kui.

⁴ Kukuu urokbed nub ben yukneen areb keroon, kukuu ok awaanbed nub ben dabune kebenendeen areb keroon kui.

⁵ Kukuu ok arud darewoobbed nub ben are dabune kebenendeen areb keroon kii!” andime.

⁶ Yariman ye aningko kankoonem, yembed nub kuu domondoone wene bondan yi arud ningkambo ari ma kowindo kowe.

⁷ Nub kuu ayari on areb bad karub ye kawaad unoon yaambed kombiri wenemoon areb keruwen. Kawaad kuu domokboon kowe, nub kuu obon keruwen kii.

⁸ Nub awandi ye karub kuu Yariman, Eweniib okadiib ongmenaboon ye God kui.