Yook 121 - Yomgkom

Daane kawini ye yook.

¹ Ne awawi kuu kuna yaambed mananeen ande kaamoneni, ne indob kankoone aangko aangko ari kereknain kii.

² Ne awawi kuu Yariman yaambed minimaan, Eweniib okadiib ongmenaboonman yaambed kui.

³ Ye kuu eb domobdaana kereeb beredare kombaraabban, kwane eb yaa oonebdimaanman kuu unuk angkaanban.

⁴ Kedi, Israeldan yaa oonendimaanman kuu unuk angkimokban no kwane kerekbere doberembirimaan.

⁵ Yariman kuu eb yaa oonebdimaanman, kwane Yariman kuu eb nen dorondarimaanman.

⁶ Aronki kuu aronbed ma aunban, kwane amki kuu woodbed kangkon ma aunban.

⁷ Yarimanbed eb kuu nen amukmo biknaneen kowe kumkam maambed aanban, kwane eb wadkeri yaa kuu oone kerenombaraneen.

⁸ Yarimanbed eb menebiyiib wenebiyiib kuu kibikbed wene aron korem kwane oone keebdombaraneen.